Heseki’el 18:4 - NQAARIIT NE ROOG

⁴ Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.

Heseki’el 18:4 Referans Kwoze

Heseki’el 18:20

O kiin oxe bakaadna na xonkaa. O ƥiy gadooxkee tooñ faap um, too faap oo gadooxkee tooñ no ƥeem. O cofel ole no cofu xe xan a ref took um, soo kañaan ne no soxodu xe a ref took um.»

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

A lim ale 16:22

Moyiis fa Aaroon a ngunga a lanq, a lay ee: «Wo Roog, wo fee saqna o ñis no pindel ke fop, ndax bakaad no kiin o leng kut xan a tax o fuuxan mbokatax ne fop?»

Hebre 12:9

Mee ndax i njega paap kaa na yaraa a in na adna feeke, too kaa i niwaa a den. Xar na taxkaa boog i nanankee a Faap in fee refna na asamaan, ndax i njeg o ñoow.

Sakari 12:1

Ke o Yaal oxe a layna took Isra’el. O Yaal oxe letinna a asamaan, a fiis lanq ke, a ci o kiin oxe o ñoow kaa tee:

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

Esayi 42:5

Roog o Yaal oxe sakna a asamaan fo o yaajel um, a fiis lanq ke fo ke saxna teen fop, a coox xeet fee ngenna teen haaƭ, a ci yiif fop we na ñaaƴaa teen, kaa tee:

A lim ale 27:16

«O Yaal oxe Roog, wo fee saqna o ñis no pindel ke fop, jili o koor, doonin mbaambir xeet fene,

2 Maad we 14:6

Kaa koy, warnoor’ee xa ƥiy axe no waawar weene, a reefandin no ke bindeena no safe le no kebil ke Moyiis, ne o Yaal oxe a heblituuna yee: «Paap ke mbarnoorkaand yaam xa ƥiy den, too xa ƥiy axe itam mbarnoorkaand yaam we ndimna a den, ndaa oxuu refna xan a warel yaam bakaad um.»

Ke bindeena no xe ne’eena YOB 21:20

Ten war’u o ga fo a kid um o torox um, a buq fuux le no Cegu katil oxe.

Esayi 57:16

Bugiim o jambaa rek fañ o waas, mbaat um gen no fuux cay. Mbaat tooxen fop we sakuuma a ñakkooga o ñis den.

Yeremi 31:30

Kaa koy, oxuu refna xan a xon yaam tooñ xoox um, too oxuu ñaamna a koƥ xa biiñ, a ñiiñ um na suumkaa.

Heseki’el 18:3

Ne ta wooritna yee mexe ñoowaa, mi o Yaal oxe na refkaa boo faw layun, nu ngapkatee o layaa o feƭit oleene kam Isra’el.

Heseki’el 18:5

O kiin oxe jofna, kaa ñaaƴnaa a ƭat fo o cofel.

Heseki’el 33:8

Um layangaa o soxodu yee: ‹Wo o soxodu xe, xan o xon›, o maƭooxangee o soxodu xeene na pesoorooƭ um, xan a xon yaam tooñ um, ndaa xam laamtong fo’oy um.

A cangatin ale 24:16

«Paap ke mbarnoorkaand yaam xa ƥiy den, too xa ƥiy axe itam mbarnoorkaand yaam we ndimna a den, ndaa oxuu refna xan a warel yaam bakaad um.»

Ke bindeena no xe ne’eena YOB 8:4

Xa ƥeef a mbakaadangaa no ten kañ, ta rabid a den a pi den.

Heseki’el 3:18

Um layangaa o soxodu xe yee: ‹Xan o xon›, o maƭooxangiran, o layangee ndax o maƭoox o soxodu xe ta fes a ƭat a paaxeer um a cinj, ndax o mucil o ñis um, o soxodu xeene xan a xon yaam njofaƭar um, ndaa xam laamtong fo’oy um.