Heseki’el 18:3 - NQAARIIT NE ROOG

³ Ne ta wooritna yee mexe ñoowaa, mi o Yaal oxe na refkaa boo faw layun, nu ngapkatee o layaa o feƭit oleene kam Isra’el.

Heseki’el 18:3 Referans Kwoze

Heseki’el 18:30

Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Heseki’el 12:22

«Wo fee o ƥiy no kiin, xar o feƭit olene nu layaa a tektu? Kaa nu layaa no kaa farna no saax le Isra’el ee: ‹Waxtu fee xe faafaa, too mbeeñil leng fadnooxee.›

Heseki’el 16:44

«Oxuu na laytaa xa peƭit xan a feranong o feƭit olene: ‹O ƥiy o ndew ya um a noonaa!›

Heseki’el 18:2

«Xar taxu nu layaa o feƭit olene no saax le Isra’el: ‹Paap ke a ñaama a koƥ xa biiñ, ndaa xa ƥiy axe a ñiiñ ake a suumu.›

Heseki’el 18:4

Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.