Heseki’el 18:2 - NQAARIIT NE ROOG

² «Xar taxu nu layaa o feƭit olene no saax le Isra’el: ‹Paap ke a ñaama a koƥ xa biiñ, ndaa xa ƥiy axe a ñiiñ ake a suumu.›

Heseki’el 18:2 Referans Kwoze

A ƭomatax ake 5:7

Daan in mbakaadu, ndaa maadatee, soo i ngomaa coono ke no njofaƭar den.

Heseki’el 37:19

Fat o doon a den ee: Keeke o Yaal oxe na refkaa boo faw a layu: Xam xotit no ɓay ole Efrayim o loq ole refanna a Yoseef fo Ii-isra’el we no maat um, ndax um paƥrandin fo ole refanna maat ne Yudaa. A mbokatange no ɓay es, xan a ndefat o loq o leng.

Heseki’el 37:25

Xan da ngen kam saax le ci’uuma a Yakoob fee o tag es, too daan den a ngen’un. Xan da ngen teen boo faw, den fo xa ƥiy den fo xa taan den. Dawid fee o tag es xan a ref o kelwaar den boo kili.

Heseki’el 37:11

A layaxam ee: «Wo fee o ƥiy no kiin, xa kiiƈ axeene mbind Isra’el fop oo. Den oo weene a ndamtin ee: ‹Xa kiiƈ axe in a mbeera korong, yaakaar in a yaktoox, i mbagiɗ tak.›

Heseki’el 17:12

«Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Esayi 3:15

An ci’u a nuun nu nduguñaa xeet es soo nduutaa toroxu we? Mi o Yaal oxe na refkaa boo faw Hupna fop layu keene.»

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»

Heseki’el 25:3

Fat o lay Aa-amon we yee: Nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu: Feek kaa o jalaa Mbind tedu ne mi maasandeena fo o fiisel ole Isra’el fiitneena fo mbind Isra’el ne ƥiseena gilaa saax took o hup doole,

Yeremi 15:4

Neene, maat ke na adna fee fop xan a ndiid, yaa da nga’na ke fi’uuma a den. Keene refu a qaw ale no fop ke Manaase fee o ƥiy Hiskiya, o maad Yudaa, a fi’na kam Yeerusaleem.»

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Ke bindeena no xe ne’eena YOB 21:19

Kaa nu layaa yee xa ƥiy axe no soxodu xe Roog a xawaa. Yaag oo toox de, ten Roog a hel’u o xaw, ndax ta gomin ten fa xoox um.

Heseki’el 12:22

«Wo fee o ƥiy no kiin, xar o feƭit olene nu layaa a tektu? Kaa nu layaa no kaa farna no saax le Isra’el ee: ‹Waxtu fee xe faafaa, too mbeeñil leng fadnooxee.›

Heseki’el 16:44

«Oxuu na laytaa xa peƭit xan a feranong o feƭit olene: ‹O ƥiy o ndew ya um a noonaa!›

Heseki’el 18:1

O Yaal oxe a daawnaxam fa lay um na xa ƭelem axene:

Heseki’el 18:3

Ne ta wooritna yee mexe ñoowaa, mi o Yaal oxe na refkaa boo faw layun, nu ngapkatee o layaa o feƭit oleene kam Isra’el.

Heseki’el 18:19

Kaa nu layaa yee: ‹Xar taxu o ƥiy onqe naagee o gadooxaa tooñ faap um?› O nanangaan kaa o ƥiy onqe a fesoor a ƭat fo o cofel, a gay soo a reef bargal es fop, too a woora yee xan a ñoow.

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.