Heseki’el 18:12 - NQAARIIT NE ROOG

¹² a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

Heseki’el 18:12 Referans Kwoze

Heseki’el 8:17

A laamtaxam ee: «Wo fee o ƥiy no kiin, ndax ga’aa keene? Ndax kaa mbind Yudaa ndeyƭooxee no mbi’aa cednooxu ke da mbi’aa mene? Kaa da mayƭandtaa saax le ngiin fo’oy soo a ndefahin no tooñaxam. Den oo weene a mbaƭa a naaq ngeec no ñis den.

Heseki’el 8:6

Roog fee Isra’el a layaxam ee: «Wo fee o ƥiy no kiin, ndax ga’aa ke da mbi’aa, cednooxu maak ke mbind Isra’el a mbi’aa ndax um goƭ Mbind tedu ne mi? Kaa koy, xan o ga’ahin cednooxu maak lakas.»

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

2 Maad we 21:11

«Feek Manaase fee o maad Yudaa a fi’a cednooxu keene, a fi kaa moƴna o faaxaƭar ke Aa-amori we a mbi’’ina yaaga fop soo a bakaadnoorit itam wiin we Yudaa pangool ke ten,

Sakari 7:10

Ba nu toroxand o ñaaw oxe mbaat o waan ole, o gataakoon ole mbaat o ndool onqe, too ba nu yuuɓanir paaxeer. Mi o Yaal oxe Hupna fop layun.

Heseki’el 18:16

ñoowitkee onj no kiin, jangkee tayle, guuɗkee, ndax a ci’aa o qeexe xe ta ñaam, soo a ñiraa o ƥangde xe.

Saak 2:6

Ii, soo nuun o mat, nu nqeefaa a den! Ndax refee yee yaal kalal ke na ngetandaa a nuun? Den o mat na ƥisaa a nuun no qel ke no maad we!

Hoose 12:7

Ndiiki koy, nuun xa taan axe Yakoob, nomtooxiidyo me Roog nuun, ngay o mbeq fo o cofel, too yaakaar kili a Roog nuun.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

2 Maad we 23:13

O maad oxe a maasanda a ñaang a sadaxand ake njasnoor’ina fa Yeerusaleem, a ngarit o joong ole na Yaq fee no ɓemb-roog o ñamaak, too Salomo fee reeƭna o maad Isra’el a maxan’un a Astarte, roog fa njakalaaru fee no Siisidoŋ we fa Kemos, roog fa njakalaaru fee no Moomowaab we fa Milkom, roog fa sednooxu fee no Aa-amon we.

A paɗax ale 18:22

Wariro o wondoox fo o koor ne o tew a wondoorteel. Kaaga a pi a cednooxu yoo.

Esayi 3:14

A refa no hate’aa maak we fo kelfa ke na xeet um ee: «Nuun o mat mbiitnu a ƭing taxar biiñ ale, ngeer no pind nuun ke nu njaɓitna no rool we.

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Heseki’el 7:23

Xawi ceen yaam saax le kaa may muut fo kate yednu, teeru fee a naag tem fo a ƭom-yedar.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Heseki’el 33:25

Yaaga koy, layi a den ee: Keeke o Yaal oxe na refkaa boo faw a layu: Kaa nu ñaamaa med, ƭeetaa farna fo nitaal roog cakalaaru ke nuun, ƥaxaa fo’oy, soo koy nu mbug o ndef we njegna saax le!