Heseki’el 17:3 - NQAARIIT NE ROOG

³ Fat o lay ee: Keeke o Yaal oxe na refkaa boo faw a layu: A canjiik a maak ale a nafir ake a naangna lawlaw, a ƥiñ ake a njigid, a muuroox a naf a tinqu kaa na miric-miricnaa, a gara boo Libaŋ, soo a watin a cul ale no ndaxar seedar ne.

Heseki’el 17:3 Referans Kwoze

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Yeremi 48:40

Keeke o Yaal oxe a layu: «O pañ oxe xey a yetaa nen a canjiik, a letin a nafir um took Mowaab.

Dañel 4:22

Xan o raxtel a ndeer no wiin we, genik fo muumeen-a-koƥ ke, ñoowtaa daaƭ nen qoox ke, soo liim le a yenaa took of. Xan a refit neene boo xa kiid ɓetaa ƭaq boo yaa o andkaa yee Roog fee Took-ee-took kelfa’u maat ke no wiin we soo a ci’an oxuu feluuna.

Heseki’el 17:7

A jeg’a a canjiik a maak a lakas alaa a nafir ake a njigidna, a naf ake a ndinq. Maaga, ndaxar biiñ ne a ɓakanda a paƴ ake ten farna fo ten soo a xayin xa par axe ten farna fo ten, ndax ta moƴ o soorin, a letna a naaq ake ten kaltaa lanq ke ta jimbeena.

Mace 24:28

Me o dal a refna, maaga a tud ake a mbokatoorkaa.»

Dañel 7:4

Fa eetaand fee kaa nandtoogu njogoy, ndaa a nafir a canjiik a saq’u. Kaam ɗeetoogun, boo neen a nafir ake ten a mbofe, ta yoɗtel a lanq, a geennitel a caf a ciijing ake ten nen o kiin soo a cooxel sagu no kiin.

Dañel 2:38

A ɓoxota na xa ƥay of wiin we fo muumeen ke fo tiiƭ ke soo a ci’ong o maadoox took den fop fo muu da mbaagna o ndef. Wo refu boog xoox wurus le.

A ƭomatax ake 4:19

Ñaañagadil in moƴ’u o ñof a canjiik ake na asamaan. A ndaaba a in took xa coong axe, a ƭaapan a in pog kam a koƥ-a-ƥor ale.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

Heseki’el 17:4

A farda o yar ole moƴna o goƭ took na xa yar axe ten, a ɓisin no saax no jula soo a doonin na teeru fa njula’ir.

Heseki’el 31:3

Ga’angi, Asuur kaa nandtoogu ndaxar seedar kam Libaŋ, a naaq a mosu, suungaan tigi laa jegna yook. Geel um kaa jigid’u, soo o jul ole ten a naag lawlaw a ndeer kol niɓu.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.