Heseki’el 17:12 - NQAARIIT NE ROOG

¹² «Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Heseki’el 17:12 Referans Kwoze

Heseki’el 24:19

Xeet fee a laamtaxam ee: «Ndax xooldandkiro a in ke ke fi’oona a tekitna na in?» Doonaam a den ee:

Heseki’el 17:3

Fat o lay ee: Keeke o Yaal oxe na refkaa boo faw a layu: A canjiik a maak ale a nafir ake a naangna lawlaw, a ƥiñ ake a njigid, a muuroox a naf a tinqu kaa na miric-miricnaa, a gara boo Libaŋ, soo a watin a cul ale no ndaxar seedar ne.

Heseki’el 1:2

No ñaal ƥetkandeer ne no nqool onqe, reeƭna no hiid o ɓetkandeer ole o maad Yoyakin a dameena mbaƭ,

A pi ake 8:30

Filip a ƴufiida, too a nana jawdiin faa a jangaa safe le no tuleer Esayi. A laamtaan ee: «Ndax andaa ke o jangaa?»

YEGIL MBAAX NE YEESU ne Lik a bindtuuna 9:45

Kaa koy, daalbe we and’ee ke fa lay feene a tekitna. Kaa mo’u a den ndax andkiran, too a saɗar’a o laamit a Yeesu kaa farna teen.

Mark 4:13

Yeesu a dakooxa o lay a den ee: «Nu andee ke a naxax alene a tekitna! Nam nu anditkaa a naxax a lakas ake fop boog?

Mace 16:11

Nam nu mbaagu o ñak o andit ee refee kaa farna no puuru um ne’aa a nuun? Mbootooxyo poɗaxnir ke no Farisiya we fo ke no Sadusiya we layum a nuun.»

Mace 13:51

«Ndax nu nana keene a paax?» A ndoonaan ee: «Ii.»

Heseki’el 3:9

Xam fi tagid of a saƭik nen jamaa, a moƴ o saƭik ɓil. Ba o saɗar a den boog too ba o send mbaambir den, ke da ndefna ndef xeet fa mbaafañ fop oo.»

Heseki’el 2:8

Wo fee o ƥiy no kiin o mat, nan-gilooxi ke um layang! Ba o ref o paafañ nen xeet fa mbaafañ feene! Yaƥati o don of, ñaam ke um cooxkang.»

Esayi 39:7

Xan leng-leng na xa taan of ŋaƈit sax a ƥisel, a njalanaa o maad oxe Babilon kam mbind no maad ne ten.› »

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

Yosuwe 4:21

soo a lay Ii-isra’el we yee: «O feet olaa feet, yaa xa ƥiy nuun a laamitkaa a nuun ee: ‹Ndi baa, xar a ƥil akene a tektu?›,

Yosuwe 4:6

A ƥil akeene xan a mbetandaa xeet fee ke o Yaal oxe a fi’na. O feet olaa feet, yaa xa ƥiy nuun a laamitkaa a nuun ke a ƥil akene a tekitna,

A cangatin ale 6:20

O feet olaa feet, yaa xa ƥiy nuun a laamitkaa a nuun ee: ‹Xar taxu o Yaal oxe Roog in a coox a nuun bargal kene fo kebil kene?›,

A sutax ale 12:26

Maaga, boo xa ƥiy nuun a laamitna a nuun ee: ‹Xar o mbaax onqene a tektu?›,

Esayi 3:2

fo a salma-koor ake fo xiixire we fo haahate we fo duleer we fo ɗeet we fo maak we

Yeremi 37:1

Nebukadnesaar fee o maad oxe Babilon a dalin’a a Sedekiya fee o ƥiy Yosiya o maad no saax le Yudaa na seek Yoyakin fee o ƥiy Yoyakim.

Yeremi 52:3

Keene a xewa, yaam ne o Yaal oxe a fuuxanna a Yeerusaleem fa Yudaa boo a deɓ a den maa goƭuuna. Sedekiya a siiknoora fo o maad oxe Babilon.

Heseki’el 17:11

O Yaal oxe a daawnaxam fa lay um na xa ƭelem axene:

Heseki’el 37:18

Maaga, xan we na xeet of a laamtong, ndax o xooland a den ke keene a tekitna.

2 Maad we 24:20

Keene a xewa, yaam ne o Yaal oxe a fuuxanna a Yeerusaleem fa Yudaa boo a deɓ a den maa goƭuuna. Sedekiya a siiknoora fo o maad oxe Babilon.

Yeremi 34:21

Xam ɓoxot itam a Sedekiya fee o maad Yudaa fo kelfa ke ten na xa ƥay no fañ den, na xa ƥay no we mbugna njang o ñis den, na xa ƥay no xiixire we no maad oxe Babilon. Ke da ndiisooxna boo a ngoƭ a nuun fop oo,