Heseki’el 16:9 - NQAARIIT NE ROOG

⁹ Ɓogaaxoong na foofi, forit fo’oy le wo reeƭna took of, soo ɗuumong diwliin fa mbelu tuñ.

Heseki’el 16:9 Referans Kwoze

A kim a tedu ke 23:5

Kaa o diƈanaxam ñaamel na kid no fañ es, dalnaxam a paax, yaa o sulaxam diwliin no xoox soo cooxaxam a tokol alaa naagna muut boo a ɓaxooxaa.

Ruut 3:3

Ɓogooxi, ɗuumoox, rokoox toki mosu soo ret soƥkin. Ɗofti boo baa ga’ong, a refangee kaa ñaam, a yer boo a ƴut.

1Saŋ 5:8

Yiif le fo foofi le fo fo’oy le, too daduk weene a njofoora.

1Saŋ 2:27

Nuun o mat, Yiif le nu ndaawitna no ten a gena fa nuun, too nu soxla’ee o lakas a jangnaa a nuun. Kaa koy, ne Yiif le ten a jangnitaa a nuun ke refna ndigil fop, too jegee o maaɓ o leng, ngenyo no ten, ne ta jangnituuna a nuun.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

1Saŋ 2:20

No ke farna na nuun koy, o Tedu xe a daawna a nuun Yiif um, too nuun fop, nu njega o and.

2 Korint 1:21

Roog fa xoox um o mat na saƭkandaa a in fa nuun na Kiristaa, soo a dod a in.

1 Korint 10:2

a mbatiise’tel eel le fo o maag ole na Moyiis,

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Heseki’el 16:4

No rimel of, a koom alaa rimee’oona, o taadaɓ of ɗeg’aand, ɓog’aandee na foofi, ndax o xoolandel, naƭtit’aandee fo jem, laxas’aandee ƭapax.

Esayi 4:4

Yaa o Yaal oxe a fortitkaa Yiif o cofel fo fiɗel ndoƭ ke na xa ƥiy xa tew axe Siyoŋ, soo a ɓogditin a Yeerusaleem no fo’oy le ɓaxuna teen,

A kim a tedu ke 51:7

Ga’angi! Kaam rimel jofaƭar, too naa fudeema fud, o paabakaad refum.

Heseki’el 16:10

Ñiraaxoong piis ngemeñe, rokanong xa ñaaƭ ƭool ndinqu, laxasong sooy yelefu, soo muurong suwaa.