Heseki’el 16:6 - NQAARIIT NE ROOG

⁶ Reefaam paam of, ga’ong o luuñaa kam fo’oy of soo um layong ee: Ñoowi ke refoona kam fo’oy of fop oo! Kaam ee: Ñoowi ke refoona kam fo’oy of fop oo!

Heseki’el 16:6 Referans Kwoze

YEGIL MBAAX NE YEESU ne Saŋ a bindtuuna 5:25

No ndigil, no ndigil, mexe layaa a nuun ee: Waxtu fee xe mbaambir, too a fadiida sax. Waxtu feene refu waxtu fee xon we a nankaa o ñuxur no Ƥeenqe Roog, too we na nankan xan a ñoow.

A pi ake 7:34

Ga’aam ne xeet es a xijliteel no saax laa Misira, too nanaam xa iin den. Ten taxu, fudooxiidaam ndax um wat a den. Ndiiki koy gari, um lulong maaga.›

Mace 5:13

«Nuun ndefu fo jem ole na adna fee. Fo jem o mat, a jematangee, xar waagatu tax ta jem? Jiriiñatee tus a refangeerna a deɓel tafil, soo wiin we a ndakin.

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Esayi 51:23

Xam cooxin we na ñagadilang, den we layoogoonga yee: ‹Ɗaasooxi ndax i ñaaƴ took of.› Maaga, kaa o xaƴ’u ndiiñ of faŋ nen lanq, wiin we a nduutan nen mbed.»

A cangatin ale 9:4

Yaa o Yaal oxe Roog nuun a raxitkaa a den mbaambir nuun, ba nu lay taa kam nuun ee: ‹Kaa i njarin, ten taxu o Yaal oxe a fi boo i njang saax lene.› Coxod ne no qeet keene kañ taxu o Yaal oxe a raxit a den mbaambir nuun.

O leetar ole Pool a bindna GIMU WE NGENNA ROM 9:15

Yaam Roog a lay’a a Moyiis ee: «Xam yirim oxe buguuma o yirim, muñan oxe buguuma o muñan.»

Mbeeñil 14:20

Xa biiñ axe a nolte kam o nirir ole tafil teeru fee. Maaga, fo’oy a sutoora no nirir ole, a xay boo ngap kilomeet teemeed tadik. O qooɗel um koy a reta boo a waag o laxaaɓ pis.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

Esayi 14:19

Kaa koy, wo o mat, kaa o deɓel maa goƭna a mboy of, ne a naaq a paaxeer a deɓteel. Woxe luuñaa a ndeer no we mbareena, laƥ a fand a den, da njoorel kam gamb laa mayna a ƥil. Kaa o nandtaa o dal o duute.

Heseki’el 16:5

O leng ɗeet’irang a ngid yirmande, ndax ta fi’anong leng no tig keene, yaam ee ta yirmong, ndaa kaa o deɓ’el na xa qol axe a koom alaa fo o rimel of, yaam kaa o fasit’u.

Heseki’el 16:7

Maaknaaxoong nen suuƴin le na xa qol axe, o ɓaatoox, maak, mos boo wee xar kene, ƭeen of a urin, wiil of a sax ñip. Kaa koy, o ƥor yoq’o soo naag ƭuc.

Heseki’el 16:22

Kam ee kam cednooxu ke wo fop fo njaga of, wetandooxiro jamaane fee no ndeƥandoong of, ye yoqoona o ƥor, naag ƭuc soo luuñaa kam fo’oy of.