Heseki’el 16:57 - NQAARIIT NE ROOG

⁵⁷ yaaga kañaan of huytafulaand. Ndiiki koy, wo yoqte no niwaƭarel ole roog we Edoom fo fop we mbiduuna a ndoonkang, den fo roog we no Fiifilista we siboonga me widoonga fop.

Heseki’el 16:57 Referans Kwoze

Esayi 7:1

Ye Ahas fee o ƥiy Yotaam refna o ƥiy Usiya a refaa o maad Yudaa, Resin fee o maad Araam a yoona fa Peqah fee o maad Isra’el reeƭna o ƥiy Remaliya, ndax da songik a Yeerusaleem, ndaa mbaag’iran o maaf.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Hoose 2:10

O tew oxeene and’ee yee mi cooxoogun bele fee fa biiñ fa nqas fee fa diwliin fee. Mi ci’’un xaaliis fee fa wurus fee, soo ta fi’tin xa taaƴ axe Baal.

Heseki’el 21:24

«Wo fee o ƥiy no kiin, sexi a ƭat a ƭak ndax laƥ ne no maad oxe Babilon a fadiid. A ƭat a ƭak ake fop xan a sutoor no saax leng kut. Samandaali o anddiloor no ƭat-sal ne jaginna na teeru fee, samandaaleen

A ƭomatax ake 4:22

Wo Siyoŋ, o ndoog onqe, rabdaa njofaƭar of boo ƴut. O Yaal oxe ɓiskatirang no mbaƭ muk. Wo Edoom, o ndoog onqe mat, xan a xaw njofaƭar of, a hulit pakaad of.

Yeremi 33:24

«Ndax kaa ɗeetlooxiro ke xeet fene a layaa? Kaa ndamtin ee: ‹Ƥasil ƭik ke o Yaal oxe a jil’ina, a deɓa a den.› Neene, kaa nqeefat xeet es, na den, refatee xeet.

Esayi 14:28

O Yaal oxe cooxtu fa lay fa ñexetu feeke no hiid olaa o maad Ahas a xonna:

A kim a tedu ke 50:21

Keene o mat o fi’aa, soo o bug’u koy um maar o don es! Foogaa foog ee nen a wo nandum? Muk! Xam ɓanjong soo feednong a pi of fop.»

A lim ale 23:7

Balam a laya xa ƭelem axene: «Balak fee o maad Mowaab a intiidaxam Araam, a fudnitiidaam na xa coong axaa no batand ne yee: ‹Gari salooxanaam a Yakoob! Kaam ee gari halakanaam a Isra’el!›

Heseki’el 5:14

Xam fi’ong o fes a pec, o mbiñ onqaa niwaƭareena a ndeer a saax ake mbidoonga, na kid no dak-a-faaf we fop.

Heseki’el 5:15

Xan o ref o mbiñ onqaa niwaƭareena, soo a weneel, o njapil o ƭeetoor fo kaa na diidlandaa na saax ake mbidoonga, yaa um fadinkaa took of kate es fo fuux ɗomu es fo a qaw akaa yoonna fo ngañak. Mi o Yaal oxe layun.

Heseki’el 16:27

Maaga, inooxanaaxoong, wañ o jeg of, ɓoxotong fañ of, da njeg ne da mbugna na wo, mboƥ ndoog ne no Fiifilista we sed’ina yaam a pesoorooƭ a sednooxu of.

Heseki’el 16:56

Sodoom refkatee naxoor of nen na jamaane fee ga’atinoox’oona,

Heseki’el 22:4

Waree o xaw yaam fo’oy le ɓaxoona, too xoolaƭarandoortaa nitaal pangool ke fi’oona. Neene, xuufaa xa yeng of, too fadiidaa no paangandoong xa kiid of. Ten taxu mexe ɓoxotang no niwaƭarel mbaambir qeet ke fo no xaadnooxeel mbaambir a saax ake.

Heseki’el 23:32

Keeke o Yaal oxe na refkaa boo faw a layu: Xan o yer o feeƭ ole no maag of o tew, o feeƭ o xooɗu too a yaaj. Xan o ref calat fo qaadnooxel, yaam kaa mayƭandel tem.

Heseki’el 27:16

Edoom kaa sofroogu fa wo no jale of le naag’ina gañ. Kaa ɓisiidoogu no luuma ke wo a ƥil a cafeñu a ne’e emerod, piis taalde’u, sarbo, pay coor, kooraay fo a ƥil a cafeñu a ne’e rubis.

Sofoni 3:19

Na jamaane faaga, xam xaw ñaañagadil we wo fop. Xam mucil we na laƴaa, fokat we ndax’eena, fi da simateel, a njeg gon kam a saax ake da njeg’ina gaci fop.