Heseki’el 16:43 - NQAARIIT NE ROOG

⁴³ Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

Heseki’el 16:43 Referans Kwoze

Heseki’el 16:22

Kam ee kam cednooxu ke wo fop fo njaga of, wetandooxiro jamaane fee no ndeƥandoong of, ye yoqoona o ƥor, naag ƭuc soo luuñaa kam fo’oy of.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

A kim a tedu ke 78:42

A mbeec’a ke ta fi’an’ina a den, ñaal ne ta mucilna a den no pañ oxe.

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

A kim a tedu ke 106:13

Kaa koy, a mbeeca no ñofu ke ta fi’’ina too cungee ta fadin yuuƥ um.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

Amos 2:13

Ten taxu xam duguñ a nuun boo nu mok rip nen oxaa a sareet alaa sufna boo a qiicaa, a dakna.

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»

A kim a tedu ke 78:40

A caf a mayu, a siiknoora fo ten na koƥ-a-ƥor alaa, a ngooyandan no fo mbiñ ne naangna halit.

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

Heseki’el 16:58

Kaa o rabdeel ke a pi a cednooxu fo a cakalaaru ke wo a ndimna. Mi o Yaal oxe layun.

Heseki’el 17:19

Ten taxu keeke o Yaal oxe na refkaa boo faw a layu: Ne ta wooritna yee mexe ñoowaa, feek a niwaƭara a taaƥ ale daaɓooxeena no gon es soo a ɗeg ngiɓoor ne, xam rabdin o ten.

Dañel 9:13

Ne keene a bindteena no kebil ke Moyiis, taamaala keene fop a ndala a in, ndaa taxee i njeem o mandaxin xeeñ of, wo o Yaal oxe Roog in, mbañatong o tooñ soo ndeef o bug of.

Dañel 9:14

Ten taxu, wo o Yaal oxe, fexeyaa boo taamaala keene a ndal a in, yaam wo o Yaal oxe Roog in, a pi of fop kaa njof, ndaa taxee i nan-giloox o ñuxur of.