Heseki’el 16:4 - NQAARIIT NE ROOG

⁴ No rimel of, a koom alaa rimee’oona, o taadaɓ of ɗeg’aand, ɓog’aandee na foofi, ndax o xoolandel, naƭtit’aandee fo jem, laxas’aandee ƭapax.

Heseki’el 16:4 Referans Kwoze

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»

Yosuwe 24:2

Maaga, Yosuwe a laya xeet fee fop ee: «Keeke o Yaal oxe Roog fee Isra’el a layu: ‹Daan we nuun kaa xottoonga na Teerax fee faap Abraham fa Nakoor ngenoogna yaaga no saax o lakas ole no xuluɓ o maak ole Ofrat kaa mbaɗooxoogu roog lakas.

A cangatin ale 15:15

Wetandooxi yee reeƭaa o paɗ kam saax laa Misira, too o Yaal oxe Roog of a watong. Ten taxu um cooxong kebil neene xaye.

Mberaand 15:13

O Yaal oxe a laya a Abram ee: «Yegi fo and ee xa taan of xan a ndef xa kataakoon no saax laa refeerna le den, xan a ndef maaga faɗ, too xan a ñagadileel boo xa kiid teemeed nahik.

YEGIL MBAAX NE YEESU ne Lik a bindtuuna 2:12

Nene nu andditkan: Xan nu soƥ o nqeq onqaa laxaseena ƭapax, too a wondnel no mbalka.»

YEGIL MBAAX NE YEESU ne Lik a bindtuuna 2:7

A ñoota a taaw um, ta ref o ƥiy o ngoor. A laxasaan ƭapax, a wondnin no mbalka, yaam nqeƈ’ee maa genar waa a ndaloogna.

A cangatin ale 5:6

‹Mi refu o Yaal oxe Roog of, suttoonga no saax le Misira, me reeƭoona o paɗ.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

A ƭomatax ake 2:22

Xoyaa me mi fop we saɗarooguuma, ndax da mbumbaay. Na bes fee no fuux le wo, wo o Yaal oxe, jegee oxaa mucna mbaat oxaa ɓostooxna. We waadin’uuma soo yar a den, o pañ oxe mi a saŋka a den.

A ƭomatax ake 2:20

O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Heseki’el 16:3

Fat o lay ee: Keeke o Yaal oxe na refkaa boo faw a layu a Yeerusaleem: Na coosaan of fo no rimel of, no saax le Kanaan fogo. Faap of o Aa-amori a reeƭu soo ya of a ref o Heeheet.

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.