Heseki’el 16:3 - NQAARIIT NE ROOG

³ Fat o lay ee: Keeke o Yaal oxe na refkaa boo faw a layu a Yeerusaleem: Na coosaan of fo no rimel of, no saax le Kanaan fogo. Faap of o Aa-amori a reeƭu soo ya of a ref o Heeheet.

Heseki’el 16:3 Referans Kwoze

Heseki’el 16:45

Wo refu o ƥiy o ndew onqe ya of fee sib’atna o kor um fo xa ƥiy um. Wo refu o maag o tew na xa teɓ of xa tew axe mbaasna gor den fo xa ƥiy den. Ya nuun o Heeheet a reeƭu, soo faap nuun a ref o Aa-amori.

A cangatin ale 20:17

Fat nu ngef tuƈ teeru keene, saŋik we ngenna teen boo tak, ndefna Heeheet we, Aa-amori we, Kaakanaan we, Peeperisi we, Hiihiwi we fo Yeeyebus we, ne o Yaal oxe Roog nuun a heblituuna a nuun.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Nehemi 9:7

Wo o Yaal oxe Roog, wo jilu a Abram. Suttaano Uur kam Babilon soo ne’in Abraham.

YEGIL MBAAX NE YEESU ne Lik a bindtuuna 3:7

Wiin mayu a ngara maa Saŋ, ndax da mbatiise’el. Kaa koy, Saŋ a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Heseki’el 21:30

Wo o kore’aƭaru xe mat, o soxodu xe, o kelwaar oxe Isra’el, waxtu fee a poom ake wo a mbagkaa tak oxe garaa.

Esayi 1:10

Nuun kelfa ke Sodoom, nan-gilooxyo fa lay fee no Yaal oxe! Nuun xeet fee Gomoor, mbetyo nof nuun, nan a cangin ale Roog in!

1 Maad we 21:26

A fi’a cednooxu, a hiɓoor fo pangool ke, ne Aa-amori we a mbi’it’uuna, den we o Yaal oxe a rax’ina mbaambir Ii-isra’el we.

Mberaand 15:16

No suk nahkandeer naa xan da nomtooxiid mene, yaam njofaƭar ne no Aa-amori we muukooxafulee.»

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

Esdaraas 9:1

Yaa kaaga a faafna, kelfa ke a ngara me mi, a layaam ee: «Xeet fee Isra’el boo no saasadax we fo Leelewi we sax nqaajooree fo qeet lakas ke no saax le. Kaa laalaa a pi a cednooxu ke no Kaakanaan we, Heeheet we, Peeperisi we, Yeeyebus we, Aa-amon we, Moomowaab we, Miimisira we fo Aa-amori we.

A cangatin ale 7:1

«Yaa o Yaal oxe Roog nuun a rokinkaa a nuun no saax le nu njangkaa ndax nu njegkin, xan a rax mbaambir nuun qeet mayu keeke: Heeheet we, Giigirgasi we, Aa-amori we, Kaakanaan we, Peeperisi we, Hiihiwi we fo Yeeyebus we, da ndef qeet ɓetuu ƭik kaa moƴna o may a nuun, a moƴ o njeg a nuun doole.

Mberaand 11:29

Abram fa Nakoor a ngilga. O tew oxe Abram Saarayi a ne’’e, oxe Nakoor a ne’el Milka fee refna o ƥiy o ndew Haran fee rim’ina a Milka fa Yiska.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Mace 11:24

Ten taxu mexe layaa a nuun ee na bes faa no nqel naa Roog, Sodoom na moƴkang o yooɓiɗ hate, wo Kapernawum.»

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

2 Maad we 21:11

«Feek Manaase fee o maad Yudaa a fi’a cednooxu keene, a fi kaa moƴna o faaxaƭar ke Aa-amori we a mbi’’ina yaaga fop soo a bakaadnoorit itam wiin we Yudaa pangool ke ten,

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

Mberaand 11:25

Cinj o rimel ole Teerax, Nakoor a ñoowa xa kiid teemeed fo xa kiid xarɓaxay fo xa kiid ɓetaa nahaq, a jeg’a xa ƥiy xa koor fo xa ƥiy xa tew.

Yosuwe 13:4

no ɓemb-roog o ñamaak. Nu mbara o njaɓ itam saax le no Kaakanaan we, ke xottoonga Aara fee no Siisidoŋ we boo Afeq no ŋat olaa no Aa-amori we

Esayi 43:27

O taan of oxe faqaqooroona sax a bakaada, too we na layanang a siiknoora fa mi.

Heseki’el 16:2

«Wo fee o ƥiy no kiin, andnoori a Yeerusaleem cednooxu ke ten!

Heseki’el 16:4

No rimel of, a koom alaa rimee’oona, o taadaɓ of ɗeg’aand, ɓog’aandee na foofi, ndax o xoolandel, naƭtit’aandee fo jem, laxas’aandee ƭapax.