Heseki’el 16:13 - NQAARIIT NE ROOG

¹³ Heloortaa wurus fa xaaliis, soo rokoox njoor fo suwaa fo piis ngemeñe. Kaa o ñoowtaa mbiɗel moku fo suum fo diwliin. Mosataa lool too jagaa fo maat.

Heseki’el 16:13 Referans Kwoze

A kim a tedu ke 50:2

Kam Siyoŋ fee o mosel um a jegeerna sik Roog oxe feeñaa no ndam um.

A kim a tedu ke 48:2

O Yaal oxe a magna, Roog in jombee o simatel, ten fee refna kam teeru fee ta jegna. O joong o tedu le ten

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Heseki’el 16:19

Diƈaa mbaambir den ñaamel ke ci’oonga, mbiɗel ke moƴna o mok, diwliin fee fo suum ke ñoowdandtoogoonga. Keene fop ɓoxotaano nen sadax fa mbelu tuñ mbaambir den. Keene refu ke fi’oona, mi o Yaal oxe na refkaa boo faw layun.

A ƭomatax ake 2:15

We na njoonaa fop kaa mboxwanang, a nqaadnooxang. Kaa mbuuƴaa, a mbulanang a qoox, wo Yeerusaleem, o ndoog onqe, a ndamtin ee: «Ndax kene refee teeru fee xoyoogeena o mosel o jegee sik fo o ɗaay no lanq ke fop?»

Yeremi 13:20

Wo Yeerusaleem, yoɗi a kid of too ɗeet, fañ we wo we inoortiidaa no ɓemb-roog o janoon. Taa o siir ole doxin’ee’oona, ged le reeƭna o ndam of?

Esayi 64:11

O Yaal oxe, ndax kaa o bugko fuudaa yaqe leene rek? Ndax xan o tiimaa tiim taar o marin, soo neewandahin a in boo cay?

A kim a tedu ke 147:14

Kaa saxnaa jam no fiisel of, a giñnoortang bele fee moƴna o faax.

A kim a tedu ke 81:16

We sibaxama, mi o Yaal oxe, a ƥoodooxkoogaan soo a ngen no diid boo kili,

Esdaraas 5:11

Keeke refu ke da ndoonna a in: ‹In ndefu dag we Roog fee na asamaan fo lanq too kaa i maxatinaa Mbind Roog ne max’eena no camaane miñu kaa. O maad Isra’el o maak max’un boo a muukin.

Esdaraas 4:20

A jeg’a kam Yeerusaleem maad jegu doole waa maadooxoogna no jegel ole no mudand ne no xuluɓ ole Ofrat fop too a ndabdoogel a bateer, juuti fo a ñaaƈ.

2 Sami’el 8:15

Dawid a maadooxanooga a Isra’el fop. A ƭat fo o cofel rek a ɗoxtoogu xeet um.

1 Sami’el 12:12

Ye nu nga’na yee Naahas, o maad oxe no Aa-amon we kaa songiidaa a nuun, kaa nu layaam ee: ‹Neeke waagee suur, o maad i soxla’u.› Yaaga fop toox de, o Yaal oxe Roog nuun refu o maad nuun.

1 Sami’el 10:1

Maaga, Sami’el a janga o moon diwliin, a juurin took xoox le Sawul. A farakooxaan, a layin ee: «O Yaal oxe fa xoox um ɗuumong, ndax o kelfa xeet fee ta jegoodna.

A cangatin ale 8:8

saax laa jegna bele fa lorso fo taxar biiñ fo tun fo taxar goronaad, a jeg itam taxar oliiw fo suum,

Mberaand 17:6

Xam ci’ong xa taan xa mayu, qeet mayu a mbaqaqoor na wo, soo maad a sutoor na wo.

Heseki’el 16:10

Ñiraaxoong piis ngemeñe, rokanong xa ñaaƭ ƭool ndinqu, laxasong sooy yelefu, soo muurong suwaa.

Heseki’el 16:17

Jangaa kelax mosu ke wo mbi’teena wurus fee mi fa xaaliis fee mi ci’oonga, jaltin nitaal no goor, soo jaga fa den.

Heseki’el 23:40

A mbaaƭa sax goor waa inoortiidna koƭu, a lul maa den wiin, too den oo a ngara. Ɓogooxanaa a den, tusngul a kid of, rokoox kelax mosandoor ke wo.

Heseki’el 27:16

Edoom kaa sofroogu fa wo no jale of le naag’ina gañ. Kaa ɓisiidoogu no luuma ke wo a ƥil a cafeñu a ne’e emerod, piis taalde’u, sarbo, pay coor, kooraay fo a ƥil a cafeñu a ne’e rubis.

Ke bindeena no xe ne’eena YOB 29:6

ye a caf es a njootaa kam kagin ne, diwliin a caaroortaa no ɓil nolir le mi!