Heseki’el 16:12 - NQAARIIT NE ROOG

¹² Rokaam o heɗ no ñis of, xa loŋ-loŋ no nof of fo a ƈang a mosu took xoox of.

Heseki’el 16:12 Referans Kwoze

Esayi 28:5

A koom, o Yaal oxe Hupna fop xan a ref o ndip o njegu o ndam fo a ƈang a mosu no yoqatin we na xeet um.

Esayi 3:21

fo xa keɗ axe fo xa keɗ-o-ñis axe

Yeremi 13:18

«Layi o maad oxe fa ya no maad oxe yee: Moofyo a lanq, yaam fo ndip fo mosaan ne nuun a yenta na qoox nuun.

Mberaand 24:47

Laamtaanum ee: ‹O ƥiy an refo?› A doonaxam ee: ‹O ƥiy Betwel fee o ƥiy Milka fa Nakoor.› Maaga, rokanaanum o heɗ ole no ñis fo xa ƈang axe na xa ƥay axe.

Xa peƭit axe 25:12

A maƭax no cegu yiif akaa ndokna no nof naanan kaa nand nen o heɗ wurus fo kumooxel wurus fa nqoolu.

Heseki’el 16:14

Gon of a joota a ndeer qeet ke yaam o mosel of ole ñak’ina sik too meleƈ le muur’oonga a taxin. Mi o Yaal oxe na refkaa boo faw layun.»

Heseki’el 16:17

Jangaa kelax mosu ke wo mbi’teena wurus fee mi fa xaaliis fee mi ci’oonga, jaltin nitaal no goor, soo jaga fa den.

Heseki’el 21:26

O maad oxe Babilon oxe geenooxa no ƭat-sal ne na ƭat a ƭak ake, ndax ta ɗeetnoox. Oxe yo’naa a kas ake, a laamtaa nitaal pangool ke, a horooxaa a qeeñ muumeen.

Heseki’el 23:42

O ñuxur no faan laa yaadooxna a nannooxa fo a yaj no goor fagkatar waa inoortiidna muu refna na koƥ-a-ƥor ale. A ndokooxana rew ɗik weene xa ƈang na xa ƥay, a ndoon fo ndip fo mosu took a qoox den.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

A kim ale na kim ake 1:10

Xa ƭek axe wo kaa mos bo ndeer xa libidoor axe, o cok of a xen a ndeer ceq ke.

A kim ale na kim ake 1:11

Xam fi’anong kumooxel wurus kaa mosandteena xaaliis fa nqoolu.

Esayi 3:19

fo xa loŋ-loŋ axe fo xa ƈang axe fo xa libidoor axe