Heseki’el 16:11 - NQAARIIT NE ROOG

¹¹ Mosandtaaxoong kelax, rokanong xa ƈang na xa ƥay of fo ceq no cok of.

Heseki’el 16:11 Referans Kwoze

Mberaand 24:22

Ye keeleemb ke a yerna boo a ƈut, o koor oxe a janga o heɗ wurus olaa o meɗel um a fi’na genwal o sekel fo xa ƈang wurus xa ƭaq axaa o meɗel den a fi’na xa sekel xarɓaxay, a rokan a den o toog oxe.

Esayi 3:19

fo xa loŋ-loŋ axe fo xa ƈang axe fo xa libidoor axe

Mberaand 41:42

A wolta o heɗ o ñaasir no ɓay um, a rokanin a Yoseef no ɓay. A rokanaan ndoki njoor soo a humanin ceq wurus no cok um.

Mberaand 24:47

Laamtaanum ee: ‹O ƥiy an refo?› A doonaxam ee: ‹O ƥiy Betwel fee o ƥiy Milka fa Nakoor.› Maaga, rokanaanum o heɗ ole no ñis fo xa ƈang axe na xa ƥay axe.

Xa peƭit axe 1:9

Xan da nand nen o ndip o mosu took xoox of, nen ceq no cok of.

Heseki’el 23:42

O ñuxur no faan laa yaadooxna a nannooxa fo a yaj no goor fagkatar waa inoortiidna muu refna na koƥ-a-ƥor ale. A ndokooxana rew ɗik weene xa ƈang na xa ƥay, a ndoon fo ndip fo mosu took a qoox den.

A lim ale 31:50

Ten taxu i mbug o ƥoxot o Yaal oxe sadax, ndax i njofoorandel fo ten. Oxuu refna na in xan a ɓoxot tikoorik wurus ke ta gisna: ceen, xa ƈang, xa keɗ, xa loŋ-loŋ fo ceq.»

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Dañel 5:29

Ndak fo ndak, Baltasaar a heblita Dañel a rokanel ndoki daalde mosu, a hiɓanel ceq wurus no cok um, soo ta yegnitel ee Dañel a refata o tadkandeer oxe doonna o ɓay no maat ne.

Dañel 5:16

Wo o mat, nanaam ee waagaa tekit xa ƭaaɗ soo xooldand ke wegna xoox. Ndiiki koy, boo waagoona o jang bind lene soo tektanaam o ten, xan o rokel ndoki daalde mosu, hiɓanel ceq wurus no cok of soo refat o tadkandeer oxe doonna o ɓay no maat ne.»

Dañel 5:7

A falalooxa fa doole ndax ta ɓisiidel ɗeet we, ñaañango we fo maɗag we kam Babilon fop, too a laya yaal-o-and weene yee: «Oxuu janganaxama bind lene soo a tektanaam o ten xan a rokel ndoki daalde mosu, a hiɓanel ceq wurus no cok um soo a refat o tadkandeer oxe doonna o ɓay no maat ne.»

Heseki’el 23:40

A mbaaƭa sax goor waa inoortiidna koƭu, a lul maa den wiin, too den oo a ngara. Ɓogooxanaa a den, tusngul a kid of, rokoox kelax mosandoor ke wo.

A ƭomatax ake 5:16

O ndip onqe no xoox in a yena! Sabab took in, yaam i mbakaada!

Esayi 28:5

A koom, o Yaal oxe Hupna fop xan a ref o ndip o njegu o ndam fo a ƈang a mosu no yoqatin we na xeet um.

Esayi 3:21

fo xa keɗ axe fo xa keɗ-o-ñis axe

A kim ale na kim ake 4:9

O cigeen es, o toog es, kaa o ɗofnooraxam. Kaam ee kaa o ɗofnooraxam, yaa ɗeettaxamoona o ngid-o-nqoloos, fo o ƥaak o yuuɓir o leng kut no ceq ke wo.

A kim ale na kim ake 1:10

Xa ƭek axe wo kaa mos bo ndeer xa libidoor axe, o cok of a xen a ndeer ceq ke.

Xa peƭit axe 25:12

A maƭax no cegu yiif akaa ndokna no nof naanan kaa nand nen o heɗ wurus fo kumooxel wurus fa nqoolu.

Xa peƭit axe 4:9

Xan a rokanong no xoox a ƈang a mosu, a mosandtong o ndip o nqenu.»

Ke bindeena no xe ne’eena YOB 42:11

Maaga, we ta fogitna faap fa yaay fo fop we and’uuna yaaga a ngara me ten, a ñaamaa fo ten kam mbind um. A ƭomatooxa soo a yaalin no taamaala ke o Yaal oxe a doon’uuna fop. Oxuu refna na den a ci’aan o monjong xaaliis fa nqoolu fo o heɗ wurus.

Esteer 2:17

O maad oxe koy, Esteer a moƴ’u o bug ee rew lakas we fop. Neene, Esteer a hup’a xa caaƈ xa tew xa lakas axe fop muud no maad oxe. O maad oxe a rokanaan o ndip no maad onqe soo a dodin lingeer, ta rondand a Wasti.

Haahate we 8:24

Gedeyon a laya a den ee: «Leng kut um xeɗaa a nuun: Cooxaamoo, oxuu refna, xa keɗ axaa ta jaɓitna na xire faa.» Fañ we koy, kaa njeg’u xa keɗ wurus, yaam kaa ndeeƭu Ii-isma’el.

A paɗax ale 8:9

A tañalaan, a doon a ƈang wurus a tedu na tagid um, ne o Yaal oxe a heblit’uuna a Moyiis.

A sutax ale 35:22

Goor oo, rew oo, fop a ngarooga. Oxuu xeeñ um a let’ina teen, ɓisiidoogaa o fekir mbaat o loŋ-loŋ mbaat o heɗ o ɓay mbaat ceq wurus fo kuu andoona yee wurus oo. Oxuu refna na den a yaanda ci’it wurus um, a ɓoxotin o Yaal oxe.

A sutax ale 32:2

Aaroon a doona a den ee: «Mbolyo xa keɗ wurus axe rew we nuun fo xa ƥiy xa koor axe fo xa ƥiy xa tew axe nuun a ndokooxna no nof, too ƥisiidaam a den.»

Mberaand 35:4

A cooxa a Yakoob roog can ke da saq’ina fop fo xa loŋ-loŋ axe den. Yakoob a gasa a den ɗuga ngariñ naa reeƭna paam Sikeem.

Mberaand 24:53

O tag oxe a suta pi’te xaaliis fo pi’te wurus fo tikoorik mosu, a ci’in a Rebeka. A ci’a itam o camin um fa ya um ɗaŋ maak.

Heseki’el 16:17

Jangaa kelax mosu ke wo mbi’teena wurus fee mi fa xaaliis fee mi ci’oonga, jaltin nitaal no goor, soo jaga fa den.