Heseki’el 16:10 - NQAARIIT NE ROOG

¹⁰ Ñiraaxoong piis ngemeñe, rokanong xa ñaaƭ ƭool ndinqu, laxasong sooy yelefu, soo muurong suwaa.

Heseki’el 16:10 Referans Kwoze

Heseki’el 16:18

Jangaa ñirax kemeñe ke wo, ndax o muurit a den nitaal keene, sadax a den diwliin es fa cuuraay es.

Heseki’el 16:13

Heloortaa wurus fa xaaliis, soo rokoox njoor fo suwaa fo piis ngemeñe. Kaa o ñoowtaa mbiɗel moku fo suum fo diwliin. Mosataa lool too jagaa fo maat.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

A sutax ale 26:36

No don-maax ole no Ƭiif ne koy, fat o riwin mbaƴ naa xa ƥaak axaa axeeke a nqiiyiiyna, axaana a yaxig coy, xa lakas axe a ndaalde fa gaare, soo a ngemeñel.

Mbeeñil 19:8

A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.

YEGIL MBAAX NE YEESU ne Lik a bindtuuna 15:22

Kaa koy, faap fee a laya faɗ we ten ee: ‹Ñofyo ƥisiid sabadoor ne moƴna o mos, too ndokanin o ten. Ndokaneenoo o heɗ fo xa ñaaƭ itam.

Heseki’el 27:16

Edoom kaa sofroogu fa wo no jale of le naag’ina gañ. Kaa ɓisiidoogu no luuma ke wo a ƥil a cafeñu a ne’e emerod, piis taalde’u, sarbo, pay coor, kooraay fo a ƥil a cafeñu a ne’e rubis.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

A sutax ale 28:5

Riiriw we fat a mbaaƭ wurus fo xa ƥaak axaa axeeke a nqiiyiiyna, axaana a yaxig coy, xa lakas axe a ndaalde fa gaare.»

A sutax ale 26:14

Fat o hulit Ƭiif neene pay naa fi’teena ƭool a suk paal akaa yaxgineena, soo a doonel ƭool jiinga.

Mberaand 41:42

A wolta o heɗ o ñaasir no ɓay um, a rokanin a Yoseef no ɓay. A rokanaan ndoki njoor soo a humanin ceq wurus no cok um.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Mbeeñil 18:12

Cula keene koy ndefu: Wurus fa xaaliis fo a ƥil a cafeñu a mosu fo xa peme. Kaa njula’oogu itam piis mosu nen sooy fo daalde fo suwaa fo cuup. A njikooxoogahina o xos a qanq a cafeñu fo kaa fi’teena a ñiiñ fa ñiig fo a teex nqool fa xanjar fo njelem fo a ƥil marbar.

Heseki’el 27:7

A maaw ake wo kaa ndeeƭu paƴ ke Misira, a ngemeñel soo a ndef paƴ of. Haŋik fa nqiiyiiy fo haŋik fa yeeq fee na pimb ake Elisa ndeeƭu ƭiif ke wo.

Heseki’el 26:16

Gelwaar we no maag ole fop xan a mbudoorit na tungul ake den, a mbol lori ke den, a ƥool toki kemeñe ke den, a may fo diid, a moof a lanq, a ngen no sendaa, a njaq no taamaala ke na ndalkang.

Heseki’el 16:7

Maaknaaxoong nen suuƴin le na xa qol axe, o ɓaatoox, maak, mos boo wee xar kene, ƭeen of a urin, wiil of a sax ñip. Kaa koy, o ƥor yoq’o soo naag ƭuc.

Xa peƭit axe 31:22

Kaa fi’anaa a xoox um kulooxel, a rokooxaa tikoorik pi’te gaare fo kaa yaxigna coy.

A sutax ale 25:5

ƭool a suk paal akaa yaxgineena, ƭool jiinga, a teex saas,

A kim a tedu ke 45:15

Oxe ɓiseel maa no maad oxaa, a rokoox toki um kemeñe. Mboƥ ndoog ne yoon um a mbodin a cinj, a ndokandooriid fo ten.

Esayi 3:23

fo xa ƭeendoor axe fo toki yelefu ke fo tañalax ke fo a muxul a yelefu ke.