Heseki’el 15:6 - NQAARIIT NE ROOG

⁶ Yaaga koy, keeke o Yaal oxe na refkaa boo faw a layu: Nen o juuƭ ndaxar biiñ ole ndeer taxar ke no suungaan le, nen o juuƭ olene ɓoxotuuma fiɗel le ndax ta raaɓin, neene um ɓoxotitkaa we ngenna Yeerusaleem.

Heseki’el 15:6 Referans Kwoze

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Heseki’el 15:2

«Wo fee o ƥiy no kiin, xar o juuƭ ndaxar biiñ ole a huptu o juuƭ o lakas oluu refna? Xar a refu no par ole refna ndeer taxar ke no suungaan le?

Yeremi 25:18

Yernaanum a Yeerusaleem fo teeru ke Yudaa, maad we ten fo kelfa ke ten, ndax teeru keene a mbes a pec, a tas, a ndefat buuƴel fo saloor, nen a xaye sax.

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Heseki’el 15:4

Kaa umbeel na fiɗel le na raaɓkan. Fiɗel le kaa doxaa cat ƭik ke, soo a ndeer ale a dox. Ndax xan a faaxat o jaltel tig?

Heseki’el 15:5

Neene, ye ta refaa o muum jaltoogaand tig, moƴtaa sax koy ye fiɗel le a raaɓuuna boo ta dox. Ndax xan a waagel o jaltat tig?

Heseki’el 15:7

Xam inooxan a den. A sutoora na fiɗel le, ndaa fiɗel xan a raaɓ a den. Maaga, xan nu and ee mi refu o Yaal oxe, yaa um inooxankaa a den.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.