Heseki’el 15:4 - NQAARIIT NE ROOG

⁴ Kaa umbeel na fiɗel le na raaɓkan. Fiɗel le kaa doxaa cat ƭik ke, soo a ndeer ale a dox. Ndax xan a faaxat o jaltel tig?

Heseki’el 15:4 Referans Kwoze

YEGIL MBAAX NE YEESU ne Saŋ a bindtuuna 15:6

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

A kim a tedu ke 80:16

saytoox ke a ñamaak of a jimbna, o ƥiy onqene yaranoona a xoox of.

Hebre 12:29

Yaam Roog fee in kat, kaa ref fiɗel laa na raaɓaa.

Hebre 6:8

Kaa koy, boo da saxna kiƈ fo qooc, njegkee o njiriiñ o leng. Xan Roog a saloox lanq keene, too mujum-mujum kaa ndoxkeel.

Mace 3:12

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Heseki’el 19:14

Fiɗel le a sutoora na xa par axe ten soo a raaɓ xa car axe ten fo xa tim axe ten. Jegatee o par o maak o mosu laa waagatna o ref o samb no maad.» Keene kaa ref a kim a ƭomatax alaa wareena o gimit ne ta refitna.

Esayi 1:31

O yaal doole xe xan a nandat fo sirtatin xa pasaak, soo a pi um a nand fo o meldaand. Den ɗik fop xan a ndoxandoor, too jegkee o leng oxaa ñufuuna.

Heseki’el 15:3

Ndax xan o juuƭ ndaxar biiñ a xotel, a jaltel tig? Ndax xan a fi’tel a pagal ndax o ƥaxañ a ɗagel teen?

Heseki’el 15:5

Neene, ye ta refaa o muum jaltoogaand tig, moƴtaa sax koy ye fiɗel le a raaɓuuna boo ta dox. Ndax xan a waagel o jaltat tig?

Heseki’el 15:6

Yaaga koy, keeke o Yaal oxe na refkaa boo faw a layu: Nen o juuƭ ndaxar biiñ ole ndeer taxar ke no suungaan le, nen o juuƭ olene ɓoxotuuma fiɗel le ndax ta raaɓin, neene um ɓoxotitkaa we ngenna Yeerusaleem.