Heseki’el 14:9 - NQAARIIT NE ROOG

⁹ O tuleer oxe a naxange boo a haƥat o ɗelem, mi o Yaal oxe naxkoogu o tuleer oxeene. Xan o ɓay es a dal took um, too xam suudin a ndeer Isra’el fee xeet es.

Heseki’el 14:9 Referans Kwoze

Heseki’el 20:25

Mi cooxu a den itam bargal kaa mbaax’eerna fo kebil kaa da mbaag’eerna o ñoowit.

Yeremi 4:10

Maaga, xam lay ee: «Cey, o Yaal oxe na refkaa boo faw, naxaa xeet fene fa Yeerusaleem, ye layoona yee: ‹Xan nu njeg jam!› A soƥa fop koy, laƥ ne xe fandaa a in!»

Heseki’el 16:27

Maaga, inooxanaaxoong, wañ o jeg of, ɓoxotong fañ of, da njeg ne da mbugna na wo, mboƥ ndoog ne no Fiifilista we sed’ina yaam a pesoorooƭ a sednooxu of.

Yeremi 14:15

Ten taxu keeke layum, mi o Yaal oxe, no duleer weene na njo’tanaxam, too luliim a den, den we na layaa yee xire mbaat biim njegkee no saax lene: Xire fo biim xan a saŋik duleer weene.

Esayi 66:4

mi itam, xam sawar no xijil a den soo ɓisiid me den paaxeer kaa da saɗarna, yaam kaam xoy, ndaa o leng na den jaaɓee, um lay fa den, da mbañ o nan-giloox. Ke faaxeerna na kid es doŋ a mbi’u, too ke feleeraxama a njilu.»

Esayi 63:16

yaam wo refu Faap in. Abraham fee o taan in andee a in, too Isra’el andee dara na in, ndaa wo o Yaal oxe, wo refu Faap in, wo xe ne’eena yaaga boo fa ndiik «o Baawat in».

Esayi 10:4

O lupandoox fo we ndameena soom nu yoqɗu mbaat nu yen fo we mbareena. Kaa koy, keene fop taxkee fuux le no Yaal oxe a ɓoos, too o ɓay um ole yoɗooxa boo fa ndiik.

Esayi 9:17

A woora yee, kañaan ne xan a dox nen takar-ñiig fo tomb kaa fiɗel a raaɓaa. Xan a kaƥ nen o ñaay olaa na raaɓaa suungaan niɓu, soo a fi a eel fo suun akaa na yoɗooxaa.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

Esayi 5:25

Ten taxu fuux le no Yaal oxe a biltooxan xeet um, ta yoɗ o ɓay um soo a xawin. Xa coong axe kaa sendaa, soo xa tal axe yee ɗareet no ped ke nen ƭaaq. Kaa koy, keene fop taxee fuux um a ɓoos, too o ɓay um ole yoɗooxa boo fa ndiik.

Ke bindeena no xe ne’eena YOB 12:16

Ten jegu doole, a waag fop, oxe mo’na yoo, oxe na mo’nooraa yoo, ten na harnaa a den.

2 Caloori ke 18:22

Mikaya a ɓaata teen ee: «Ndiiki koy, keene a fi’e. O Yaal oxe a laynoora duleer we wo fop xa maaƥ, yaam no ndigil kaa heboox o ɓisiid naqad took of.»

Yeremi 6:14

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Heseki’el 14:10

O tuleer o nandu neene fo xe ga’riidna fo ten xan a ngadoox tooñ leng kut ne too xan a nga’in.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Sakari 13:3

Boo o kiin a inooxna, a yegnitaa padafuleer, xan faap um fa ya um we ndimuuna a layin ee: ‹Wo kañ kaa o lafooxel, yaam kaa o geenoox maaɓtaa gon le no Yaal oxe!› Xan faap um fa ya um a mbarin, yaam o coojo’it Roog oxe ta fi’ooxaa.

Heseki’el 13:9

O ɓay es xan a dal took duleer we peeñil den a ndefna xa koɓong soo maƭak den a ndef xa maaƥ. Mbogkee no mal maak ne na xeet es, mbindkaand no mbokatax ne no mbind Isra’el, too ndokkee no fiisel ole Isra’el. Maaga, xan nu and ee mi refu o Yaal oxe na refkaa boo faw.

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.