Heseki’el 14:8 - NQAARIIT NE ROOG

⁸ Xam inooxan o kiin oxeene, fi ta ref o njapil o ƭeetoor fo naxoor. Xam suudin a ndeer xeet es too xan nu and ee mi refu o Yaal oxe.

Heseki’el 14:8 Referans Kwoze

Heseki’el 15:7

Xam inooxan a den. A sutoora na fiɗel le, ndaa fiɗel xan a raaɓ a den. Maaga, xan nu and ee mi refu o Yaal oxe, yaa um inooxankaa a den.

Heseki’el 5:15

Xan o ref o mbiñ onqaa niwaƭareena, soo a weneel, o njapil o ƭeetoor fo kaa na diidlandaa na saax ake mbidoonga, yaa um fadinkaa took of kate es fo fuux ɗomu es fo a qaw akaa yoonna fo ngañak. Mi o Yaal oxe layun.

Yeremi 44:11

Ten taxu keeke o Yaal oxe Roog fee Isra’el Hupna fop a layu: Nga’angyo, hebooxaam o fi a nuun paaxeer, saŋik xeet fee Yudaa fop.

Heseki’el 6:7

Xan wiin nuun a yen a nqon, too xan nu and ee mi refu o Yaal oxe.

Esayi 65:15

We jiluuma xan a saloortataa gon nuun ee: ‹Yaasam o Yaal oxe na refkaa boo faw a warnoorong nen o leng no weene!› Kaa koy, den we ndefna dag es o mat, xam coox a den gon lakas.

A cangatin ale 28:37

No qeet ke o Yaal oxe a ɓiskaa a nuun fop koy, xan da ndam xa ton no ke na dalkaa a nuun, a naxoortaa a nuun soo a nqaadnooxaa a nuun.

A paɗax ale 17:10

Boo o Ii-isra’el mbaat o gataakoon olaa genna fa nuun a yerna fo’oy kuu ta waagna waag o ref, mi o Yaal oxe, xam fesin a cinj, sutin a ndeer xeet fee.

1 Korint 10:11

Refee nu nga’aan! Keene fop xewna kaa ref o ɗeendoor, a bindel ndax ta ref maƭax na in, in weeke ndefna no cat o ñoow adna.

O leetar ole Pool a bindna GIMU WE NGENNA ROM 11:22

Ɗeetaqini kat ne Roog a feeñlitna o paaxel um fo o ñangel um. Kaa ñang no we yenna, soo na wo koy, ta letnong o paaxel um. Fat o gen no paaxel um oleene boog, ndax ɗegkaandee tapit nen a naaq.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

Yeremi 29:22

Xan da saloorteel ndeer we na Yudaa ƥiseena took o hup doole kam Babilon. Xan a layeel ee: Yaasam o Yaal oxe a fi’ong ne ta fi’na a Sedekiya fa Ahab, we o maad oxe Babilon a juɗna.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 21:10

Yaam xam geleerooxan teeru feene, refee koy ndax um muclin ndaa ndax um moocandin. Xan a ɓoxotel na xa ƥay no maad oxe Babilon na raaɓitkan fiɗel. Mi o Yaal oxe layun.»

A kim a tedu ke 37:22

We o Yaal oxe a barke’na xan a njeg lanq ke, soo we ta salooxna a saŋkel.

A kim a tedu ke 34:16

A kid no Yaal oxe kaa ngaan took jofu we, nof um a mbetoox na xa buuq den.

A lim ale 26:10

Lanq ke kaa mbetoox’u, a ƭuud a den fa Koora itam, a koom alaa we mbogna na Koora fop a nqonna, ye fiɗel le a doxna goor teemeed ƭik fo qarɓeen ƥetik. Weene a lalgand a ndeeƭu no we yoq’ina na xeet fee.

A lim ale 19:20

Boo o kiin oxaa xoolaƭarna a ɓogdinooxeerna, fat a sutel mbokatax ne Isra’el, yaam kaa ta xoolaƭarand Mbind tedu ne no Yaal oxe. Xan a maad fo nqoolaƭar um, yaam wiisaand foofi fo ɓogdinoor ole.

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

A paɗax ale 22:3

Layi a den ee: Boo o kiin no kurcala nuun, no suk nuu ta refna ref a xoolaƭarna soo a matiid sadax tedu ke Ii-isra’el we a kesanaxama, fat oxeene kiin a sutel mbaambir es. Mi refu o Yaal oxe.

A cangatin ale 28:46

Yaa keene a dalkaa a nuun, nuun fo xa taan nuun, xan fop a nga ee a salax ake Roog yenu took nuun.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

A kim a tedu ke 34:17

Mukit fee no Yaal oxe kaa hiɓoox no we na mbi’aa paaxeer, ndax ta ñuf a kon den no lanq ke.