Heseki’el 14:7 - NQAARIIT NE ROOG

⁷ O kiin oxuu fesaxama a cinj ta ref no mbind Isra’el mbaat na xa katakoon axe ngenna kam Isra’el, a ɓek no xeeñ um pangool ke ten, a doon mbaambir um ɓil le na tolofnooraa, a maafnooran na bakaad, a garangaa me no tuleer oxe, ndax ta ga’ir fa mi, mi o Yaal oxe fa xoox es na doonkan.

Heseki’el 14:7 Referans Kwoze

A sutax ale 12:48

Boo o gataakoon olaa refna no mbind of a bugaxama o roofandan a Colandax ale, o koor oxuu fogna no ƥasil um a ware o xuc. Maaga, xan a waag o matiid, a fog na toofand ale na Colandax ale, too xan a nandat fo xaa fogna na xeet fee Isra’el. O qucooxeer o mat fogkee teen.

Yudaa 1:19

Den ndefu we na mbexeyaa nqaajoor, a ndamoox na qalaat den, too njegee Yiif le Roog.

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Hoose 4:14

Jambkiim xa ƥiy xa tew axe nuun yaam ne da njaga’aa mbaat seemir we nuun yaam ne da seeqaa, yaam goor we fa qoox den na mbootkaa fo a caga ke, a sadaxtaa fo rew we kesaneena njaga ne nu ƭeetaa nen tedu, ne o feƭit oleeke a laytuuna yee: ‹Xeet fee jegeerna o and kaa mo.›

Yeremi 37:17

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»

A lim ale 15:29

Fop we na mbakaadkaa too ndiykiran na mbogkaa kebil leng kut ne, ta ref no Ii-isra’el we mbaat na xa kataakoon axe na ñoowaa a ndeer den.

A lim ale 15:15

Kebil leng kut na jegkaa no mbokatax ne fop, ta ref na nuun fo no gataakoon ole refna a ndeer nuun. Keene xan a ref na nuun fo na xa taan nuun kebil ñufkeer muk. Mbaambir es, mi o Yaal oxe, jegee njektirand a ndeer nuun fo xa kataakoon axeene.

A paɗax ale 24:22

Nuun fop na mbogkaa kebil leng kut ke, ta ref o gataakoon mbaat oxaa fogna na xeet fee, yaam mi refu o Yaal oxe Roog nuun.»

A paɗax ale 20:2

ta daawin Ii-isra’el we xa ƭelem axene: «Boo o leng no Ii-isra’el we mbaat o gataakoon olaa genna Isra’el, a ɓoxotna a Molok o leng na xa ƥeem, fat a warel. We ngenna no saax le fat a mbartin a kac.

A paɗax ale 16:29

Keeke koy, kebil kaa nu mbarna o ngay boo faw a ndefu: No ñaal xarɓaxayandeer ne no nqool ɓetuu ƭikandeer onqe fat nu ngoor, too nu njalkee dara, ta ref nuun Ii-isra’el we fo xa kataakoon axe ngenna fa nuun.

A sutax ale 20:10

Ñaal ɓetuu ƭikandeer ne koy, bes a ñootnax es oo, mi o Yaal oxe Roog of. Wariro jal teen tus, wo fo o ƥeef o ngoor mbaat o ƥeef o ndew mbaat surga of mbaat o mbindaan of mbaat njegel of mbaat o gataakoon ole refna no mbind of,

Esayi 63:17

O Yaal oxe, xar taxu o xaƴ a in i mbirlooxaa, mo, ƭap a ƭat of, soo xaƴ a in i ŋaj boo i saɗaratirang? Nomtooxiidi yaam dag of, yaam a carind ake no lam ne wo.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

Hoose 4:5

Xan o tolof njoloor o mbuc, o tuleer oxe itam a tolof fa wo o yeng ole, too xan o saŋiknoor a Isra’el fee ya of.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.