Heseki’el 14:4 - NQAARIIT NE ROOG

⁴ Yaaga koy, layi fa den. Fat o yegin a den ee: Keeke o Yaal oxe na refkaa boo faw a layu: O kiin no mbind Isra’el oxuu ɓekna no xeeñ um pangool ke ten, a doon mbaambir um ɓil le na tolofnooraa, a maafnooraa na bakaad, cinj kaaga, ta gar me no tuleer oxe, mi o Yaal oxe fa xoox es na doonkan, yaam pangool mayu ke ten.

Heseki’el 14:4 Referans Kwoze

Heseki’el 14:7

O kiin oxuu fesaxama a cinj ta ref no mbind Isra’el mbaat na xa katakoon axe ngenna kam Isra’el, a ɓek no xeeñ um pangool ke ten, a doon mbaambir um ɓil le na tolofnooraa, a maafnooran na bakaad, a garangaa me no tuleer oxe, ndax ta ga’ir fa mi, mi o Yaal oxe fa xoox es na doonkan.

Esayi 66:4

mi itam, xam sawar no xijil a den soo ɓisiid me den paaxeer kaa da saɗarna, yaam kaam xoy, ndaa o leng na den jaaɓee, um lay fa den, da mbañ o nan-giloox. Ke faaxeerna na kid es doŋ a mbi’u, too ke feleeraxama a njilu.»

Esayi 3:11

Kaa koy, ndaw naqad took no soxodu xe, yaam xan a rabdel a pi um.

Heseki’el 3:4

A layaxam ee: «Wo fee o ƥiy no kiin, reti no mbind Isra’el, too daawin a den fa lay es!

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

2 Maad we 1:16

A laya o maad oxe yee: «O Yaal oxe kaa tee: ‹Feek kaa o lul wiin, ndax o ɗeetnook maa Baal-Sebub, roog fee Ekron, nen kaa Roog faa waageena o laamit jegee kam Isra’el, ten taxu njong ne wondooxoona sax, fudooxkino, ndaa xan o xon faq.› »

Heseki’el 14:3

«Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?

Heseki’el 14:6

Ten taxu layi mbind Isra’el ee: Keeke o Yaal oxe na refkaa boo faw a layu: Nomtooxiidyo, mbes a cinj pangool ke nuun! Nquunyo cakalaaru ke nuun fop!

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Sofoni 1:3

Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.