Heseki’el 14:3 - NQAARIIT NE ROOG

³ «Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?

Heseki’el 14:3 Referans Kwoze

Heseki’el 14:7

O kiin oxuu fesaxama a cinj ta ref no mbind Isra’el mbaat na xa katakoon axe ngenna kam Isra’el, a ɓek no xeeñ um pangool ke ten, a doon mbaambir um ɓil le na tolofnooraa, a maafnooran na bakaad, a garangaa me no tuleer oxe, ndax ta ga’ir fa mi, mi o Yaal oxe fa xoox es na doonkan.

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Heseki’el 20:3

«Wo fee o ƥiy no kiin, layi fo maak we Isra’el. Fat o yegin a den ee: Keeke o Yaal oxe na refkaa boo faw a layu: Ndax o nga’ir fa mi taxu nu ngar? Ne ta wooritna yee mexe ñoowaa, xaƴkiim nu nga’ir fa mi muk. Mi o Yaal oxe na refkaa boo faw layun.

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

Heseki’el 14:4

Yaaga koy, layi fa den. Fat o yegin a den ee: Keeke o Yaal oxe na refkaa boo faw a layu: O kiin no mbind Isra’el oxuu ɓekna no xeeñ um pangool ke ten, a doon mbaambir um ɓil le na tolofnooraa, a maafnooraa na bakaad, cinj kaaga, ta gar me no tuleer oxe, mi o Yaal oxe fa xoox es na doonkan, yaam pangool mayu ke ten.

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Heseki’el 20:31

Yaa nu ƥoxotaa sadax nuun, ndoxaa xa ƥiy nuun nen sadax, kaa nu maad o nqoolaƭarandtaa a qoox nuun boo xaye pangool ke nuun. Nu mbooga moos ee xam xaƴ nu nga’ir fa mi. Ne ta wooritna yee mexe ñoowaa, mi o Yaal oxe na refkaa boo faw layun, xaƴkiim muk nu nga’ir fa mi.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

Xa peƭit axe 15:29

O Yaal oxe kaa goƭaa soxodu we, ndaa kaa nan-gilooxaa a qeƭ ake no jofu we.

1 Sami’el 28:6

Sawul a dalfooxa o laamit o Yaal oxe, ndaa oxeene dooniran dara, ta ref no ƭaad mbaat fo mbanjang tedu ne no saasadax oxe mbaat fo o tuleer um.

Efees 5:5

Fat nu yeg fo and ee oxe na seeqaa mbaat oxe na saasaayaa, jegkee muk a las no Maat ne Kiristaa, refna ne Roog. Oxe fexna xaaliis deyaand o ne, yaam o fex xaaliis refu faɗooxaa ke refeerna Roog.

YEGIL MBAAX NE YEESU ne Lik a bindtuuna 20:8

Yeesu a laya a den ee: «Mi yoo, laykiim a nuun sañ-sañ fee um fi’taa kene.»

Sakari 7:13

Feek nan-gilooxee, ye um xoyaa a den, mi itam nan-gilooxiim, ye da ƈufginooxaxama. Mi o Yaal oxe Hupna fop layun.

Sofoni 1:3

Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Esayi 33:15

Ten refu oxe na ñaaƴaa no cofel too a layaa ke refna a ƭat, a fañaa xaaliis fee jaɓteena o hup doole, a ŋook xa ƥay um, ndax dekkee nger, a sux nof um no we na sooban na pi a yednu, too ɗeetitkee paaxeer leng o ngid-o-nqoloos.

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

A kim a tedu ke 101:3

Waasanitkiim muk paaxeer na kid es too kaam sib o fes o ngim a cinj. Jegkiim a las a leng boog fo keene.

A kim a tedu ke 66:18

Boo jeg’uuma no xeeñ es njofaƭar, o Yaal oxe nan-gilooxkoogiraam.

2 Maad we 3:13

Eliise a laya o maad oxe Isra’el ee: «Xar ɓisiidong me mi? Reti kañ maa no duleer we faap of mbaat no we ya of!» O maad oxe a doonaan ee: «Ha’aa, yaam o Yaal oxe kaa ɓisiid a in, in maad daduk wene, ndax ta ɓoxot a in na xa ƥay no Moomowaab we.»

Heseki’el 14:2

too o Yaal oxe a daawnaxam fa lay um na xa ƭelem axene:

Heseki’el 33:30

Wo fee o ƥiy no kiin, wiin we na xeet of owe took of me lernooxna tabax ke fo na carind ake no pind ke, a layraa a ndeer den, oxuu refna fo o pog um, ee: ‹Acayo boog i nan-gilook fum fa lay inooru no Yaal oxe!›

Hoose 4:5

Xan o tolof njoloor o mbuc, o tuleer oxe itam a tolof fa wo o yeng ole, too xan o saŋiknoor a Isra’el fee ya of.