Heseki’el 14:16 - NQAARIIT NE ROOG

¹⁶ ne ta wooritna yee mexe ñoowaa, mi o Yaal oxe na refkaa boo faw layun, goor daduk weene a ndeeƭangaa a ndeer saax le, mucilkoogee xa ƥiy xa koor mbaat xa tew axe den, ndaa den doŋ muckoogu, soo saax le a refat o mbiñ o mbootu.

Heseki’el 14:16 Referans Kwoze

Mberaand 19:29

Ye Roog a saŋkaa teeru ke no jegel olaaga Lot a gen’ina, a wetandooxa a Abraham, soo a ci a Lot ta daɗ yaq faaga.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

A pi ake 27:24

‹Pool, ba o saɗar! Xan o geenoox mbaambir Kesaar fee. Roog kam o paaxel um a ci’aang o ñoow, wo fo fop we yoontoona na kaal ale.›

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Heseki’el 18:20

O kiin oxe bakaadna na xonkaa. O ƥiy gadooxkee tooñ faap um, too faap oo gadooxkee tooñ no ƥeem. O cofel ole no cofu xe xan a ref took um, soo kañaan ne no soxodu xe a ref took um.»

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Heseki’el 14:18

ne ta wooritna yee mexe ñoowaa, mi o Yaal oxe na refkaa boo faw layun, goor daduk weene a ndeeƭangaa a ndeer saax le, mucilkoogee xa ƥiy xa koor mbaat xa tew axe den, ndaa den soom muckoogu.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Ke bindeena no xe ne’eena YOB 22:20

«Fañ we in owey a moocande, fiɗel a raaɓ fop ke da nqaƴna!»