Heseki’el 14:1 - NQAARIIT NE ROOG

¹ Goor leng-leng a ndeer no maak we Isra’el a ngara me mi soo a moof mbaambir es,

Heseki’el 14:1 Referans Kwoze

Heseki’el 8:1

No hiid o ɓetuu fa lengandeer ole, no ñaal ƥetkandeer ne no nqool o ɓetuu fa lengandeer onqe, moof’aam kam mbind es, too maak we Yudaa a moof’u mbaambir es, o ɓay no Yaal oxe na refkaa boo faw a doonooxa took es.

Heseki’el 20:1

No hiid o ɓetuu ɗikandeer ole, no ñaal xarɓaxayandeer ne no nqool o ƥetkandeer onqe, goor leng-leng a ndeer no maak we Isra’el a ngara, ndax da nga’ir fo o Yaal oxe too a moofa mbaambir es.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

2 Maad we 6:32

Eliise koy, kaa moof’u no mbind um, maak we na teeru fee a moof paam um. O maad oxe a lula o kiin maa ten, ndaa ye o tuleer oxe a helkaa fo fadiid, Eliise a laya maak waa yee: «Ndax nu nga’a yee o ƥiy o mbaawar onqene a luliida o kiin, ndax ta ɗeg xoox le mi. Mbootooxyo boog. Yaa o kiin oxeene a fadiidkaa, fat nu mbeg xa ton-maax axe boo waagkee o rok. Ndaa sax de kaa nand ee xa caf axe no yaal mbind um na naneel a cinj um!»

A pi ake 22:3

«O Yaawuur refum, rimel na teeru faa Tars no jegel olaa Silisi. Kaa koy, na teeru feeke yarooxum. Gamaliyel o mat jangnaxam, no ten andtum tigi kebil ke no daan in. Sawaraam no reef a Roog ne nu sawaritna teen nuun fop xaye.

A pi ake 4:8

Maaga, Piyeer a maya fo Yiif Tedu le, too a lay a den ee: «Nuun kelfa ke fo maak we na xeet fee,

A pi ake 4:5

No feet olaa, kelfa ke no Yaawuur we fo maak we fo jaajangin we no kebil ke a mbokatoora Yeerusaleem.

YEGIL MBAAX NE YEESU ne Lik a bindtuuna 10:39

O ndeɓ um onqaa ne’eena Mari, kaa moof’u paam Yeesu, soo a nan-gilooxaa a cangin um.

Heseki’el 14:2

too o Yaal oxe a daawnaxam fa lay um na xa ƭelem axene:

Heseki’el 33:32

Kaa o ref na den o kiigim oxaa da mbugna, o yaal o ñuxur o felu, oxaa waagna mbak. Kaa nan-gilooxaa fa lay of, ndaa ndeefiran.

Esayi 21:12

O yeeyetax oxe a doona yee: «A feeda de, ndaa no yeng ole i maadu. A soƥangaa yee kaa nu mbug o laamit, laamityo, saktooxyo too ngar.»

Heseki’el 20:3

«Wo fee o ƥiy no kiin, layi fo maak we Isra’el. Fat o yegin a den ee: Keeke o Yaal oxe na refkaa boo faw a layu: Ndax o nga’ir fa mi taxu nu ngar? Ne ta wooritna yee mexe ñoowaa, xaƴkiim nu nga’ir fa mi muk. Mi o Yaal oxe na refkaa boo faw layun.