Heseki’el 13:9 - NQAARIIT NE ROOG

⁹ O ɓay es xan a dal took duleer we peeñil den a ndefna xa koɓong soo maƭak den a ndef xa maaƥ. Mbogkee no mal maak ne na xeet es, mbindkaand no mbokatax ne no mbind Isra’el, too ndokkee no fiisel ole Isra’el. Maaga, xan nu and ee mi refu o Yaal oxe na refkaa boo faw.

Heseki’el 13:9 Referans Kwoze

Heseki’el 20:38

Xam suud na nuun we siiknoorna fa mi soo a tooñaam. Xam sut a den no saax le da ngenna, ndaa ndokkee no saax le Isra’el. Maaga, xan nu and ee mi refu o Yaal oxe.

A kim a tedu ke 87:6

Kam safe le o Yaal oxe a bindna qeet ke, kaa bindaa yee: «O ndeetar onqene Siyoŋ a rime.» A maaf

A kim a tedu ke 69:28

Gadni a den tooñ fo ngend um, too ba o jofoor fa den muk.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Esdaraas 2:59

Weeke ndeeƭu we inoor’ina Tel-Mela, Tel-Harsa, Kerub-Adan fa Imer too mbaag’ee o cooxit qoolu no mbaafaap den fo no daan den, ndax da lalit ee Ii-isra’el a ndeeƭu:

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Mbeeñil 20:12

Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Hebre 12:23

fo mbokatax ne no gimu we ndefna taaw ke Roog, a kon den a mbindeena na asamaan. Nu matiida a Roog fee refna o kaahate no wiin we fop, matiid a yiif ake no wiin jofu we ñakna sik.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Heseki’el 12:20

Teeru ke ngeneena xan a mbes a pec, saax le a wootat, too xan nu and ee mi refu o Yaal oxe.› »

Heseki’el 11:10

Xan laƥ ne a maaf a nuun, yaa um hate’itkaa a nuun no fiisel ole Isra’el. Maaga, xan nu and ee mi refu o Yaal oxe.

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Esayi 4:3

Maaga, yoqatin we Siyoŋ fo onqe mucna Yeerusaleem xan a nqoyeel tedu. Den ndefu fop we o Yaal oxe a bindna no safe um, ndax da ñoowaa Yeerusaleem.

A kim a tedu ke 101:7

O naanax o leng genkee kam mbind es, too o maamaaɓ o leng geenooxkee mbaambir es.

A kim a tedu ke 69:5

We sibaxama ngupu wiil le no xoox es. We na mbaaƭaa o saŋkaam kaa njeg doole, a mbañtaam cegeer. Faw um rabid ke guuɗeeruuma.

Nehemi 7:64

Saasadax weene a mbaaƭa safe le a kon ake no daan den a mbind’eena, ndaa nga’iran. Naaga, a nqañte calel no saasadax,

Nehemi 7:62

Xa taan axe Delaya, axe Tobiya fo axe Nekoda: teemeed ɓetuu fa leng fo qarɓeen nahik fo ɗik a ndeeƭu.

1 Maad we 13:18

O tuleer o nogoyu xe koy a xoxa, a layin ee: «Mi itam o tuleer refum nen a wo. Malaaka a daawnaxam fa lay feeke no Yaal oxe yee: ‹Ɓiseen no mbind of, ndax ta ñaam soo a yer.› » No keene fop koy, kaa ta maaɓoogun.

Yeremi 4:9

O Yaal oxe kaa tee: «A koom xan njambaar ne no maad we fo ne no kelfa ke a ɓut, saasadax we a njaaxiɗ, soo duleer we a ndiid.»

Heseki’el 13:14

Xam gaak saŋe ne nu ƭuumna. Xam maafin junjang boo a per ake ten ee faŋ. Xan a yurdoox soo nu saŋkoox a ndeer den. Maaga, xan nu and ee mi refu o Yaal oxe.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

A kim a tedu ke 95:11

Kam fuux es daaɓooxaam ee ndokkee muk me da ñootnooritkoogna fa mi.

Yeremi 14:15

Ten taxu keeke layum, mi o Yaal oxe, no duleer weene na njo’tanaxam, too luliim a den, den we na layaa yee xire mbaat biim njegkee no saax lene: Xire fo biim xan a saŋik duleer weene.

Hoose 4:5

Xan o tolof njoloor o mbuc, o tuleer oxe itam a tolof fa wo o yeng ole, too xan o saŋiknoor a Isra’el fee ya of.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Mise 3:6

‹Ten taxu, nuun duleer we, xan nu ndef no yeng, too nu mbeeñooxkataand! Xan nu ndef no niɓaan, too nu ƭeetkatee!› Xan njeeƈ ne no duleer weene a mud, ñaal den a ref o niɓaan.»