Heseki’el 13:6 - NQAARIIT NE ROOG

⁶ Peeñil den xa koɓong oo soo maƭak den a ref xa maaƥ xa ƥor. Kaa da layaa yee: ‹Mi o Yaal oxe layun!› Yaaga fop toox de, mi o Yaal oxe luliim a den. Kaa da yaakaarnooraa yee fa lay den xan a fadnoox.

Heseki’el 13:6 Referans Kwoze

Heseki’el 22:28

Duleer we ten kaa ƭuumaa fop fa laso, a njeg peeñil naanaxir soo a njo’taa na xa maaƥ. Kaa layaa yee: ‹Keeke o Yaal oxe na refkaa boo faw a layu.› Yaaga fop oo, o Yaal oxe layee dara.

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

Yeremi 28:15

Cinj kaaga, Yeremi a laya o tuleer Hananiya yee: «Nan-gilooxi a paax Hananiya: O Yaal oxe lulirang, soo wo, o riñ xeet fene no ngooloox xa maaƥ.

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Yeremi 37:19

Taa duleer we nuun boog yegnoogna a nuun padafuleer ee: ‹O maad oxe Babilon songiidkee a nuun mbaat saax lene?›

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.

Yeremi 14:14

Kaa koy, o Yaal oxe a layaxam ee: «Xa maaƥ xa ƥor duleer weene a yegnitaa no gon es. Luliim a den, roxondiim a den tig, too layiim a den tus. Peeñil cegeer, yegnit koɓong fo naanaxir ke na qeeñ den a yegnaa a nuun.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

2 Tesalonik 2:11

Ten taxu yoo Roog a riñ a den no ngulmataan o njegu doole nqaa taxna da ngim na xa maaƥ.

Mark 13:6

yaam xan wiin mayu a ngar, a ne’ooxaa gon es, too xan a lay ee: ‹Mi refun.› Maaga, xan a nax wiin mayu.

Heseki’el 21:23

O Yaal oxe a daawnaxam fa lay um na xa ƭelem axene:

Heseki’el 13:7

Ndax peeñil ke nu njegna ndefee xa koɓong, soo yegnit ke nu layaa a ndef xa maaƥ xa ƥor? Kaa nu layaa yee: ‹O Yaal oxe layun!› Too yaaga fop oo layiim dara.

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Yeremi 29:31

«Lulti o layanel fop we ƥiseena took o hup doole yee: ‹Keeke o Yaal oxe a layu na Semaya fee genna Nehelam: Semaya a yegna a nuun padafuleer, too lulinum, a riñ a nuun nu ngooloox xa maaƥ.

Yeremi 28:2

«Keeke o Yaal oxe Roog fee Isra’el Hupna fop a layu: ‹Xam ɓol a kadoor ale o maad oxe Babilon a seraa a nuun.

Xa peƭit axe 14:15

Oxe raƥna yiif, kuu ta layeena a gimin, o kiin o teeyu xe mat a xalaataa soo a fi’kaa.

1 Maad we 22:37

Naaga, o maad oxe a xona. O dal ole ten a ɓise kam Samari soo a gasel maaga.

1 Maad we 22:27

Fat o layanaam a den, da ƥek o mbindeef onqene kaso, too baa cooxeel ñaamel mbaat foofi fo deyu boo yaa um gatkaa na jam.»

1 Maad we 22:6

O maad oxe Isra’el a dalfooxa o fokat duleer we ndeeƭna ngap teemeed nahik, soo a laamit a den ee: «Ndax waraam o xire’ik, ndax um jangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan o Yaal oxe a ɓoxotin na xa ƥay of.»

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Yeremi 23:16

Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.

1 Maad we 22:12

Duleer lakas we fop leng kut ke a yegnitoogu, a layaa yee: «Daali maad, waagaa songik a Ramot kam Galaad! Xan o jeg ne bugoona, too xan o Yaal oxe a ɓoxotin na xa ƥay of.»

1 Maad we 22:15

A gara paam o maad oxe, soo oxeene a laamtin ee: «Mikaya, ndax i mbara o nqire’ik, ndax i njangatin a Ramot kam Galaad, ndi kaa i mbarin o nqaƴ rek?» Mikaya a doonaan ee: «Reti, xan o jeg ne bugoona, too xan o Yaal oxe a ɓoxotin na xa ƥay no maad oxe.»

Yeremi 28:1

No hiid o leng kut ole, no mberaandoong ne no maat Sedekiya fee o maad Yudaa, no nqool o ƥetkandeer onqe no hiid o nahkandeer ole, o tuleer Hananiya fee o ƥiy Asur, genna Gibe’on, a layaxam kam Mbind ne no Yaal oxe mbaambir saasadax we fa xeet fee fop ee: