Heseki’el 13:3 - NQAARIIT NE ROOG

³ Keeke o Yaal oxe na refkaa boo faw a layu: Sabab took no duleer fanxoyu we na ndeefaa yiif den too njegee mbeeñil leng!

Heseki’el 13:3 Referans Kwoze

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Yeremi 23:1

O Yaal oxe kaa tee: «Sabab took no ɗooɗox we na xeet fee mi. Gaynaak faaxeer waa na mo’andaa, a pasaraa paal ke no siir ole mi a ndefu.»

Xa peƭit axe 15:14

Oxe jegna yiif kaa waaƭaa o and, xa ton axe no panxoy ke mat a ƈufanaa ƭooɗofir.

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

YEGIL MBAAX NE YEESU ne Lik a bindtuuna 11:52

Ndaw sabab took nuun, nuun jaajangin maak we no kebil ke, yaam nu njanga o jaafu le, mbegtin o and ole. Nuun fa qoox nuun, nu ndokee, soo yaqanaa we mbugna o ndok da ndokiid.»

YEGIL MBAAX NE YEESU ne Lik a bindtuuna 11:40

Nuun soo ndef ɗof! Mee ndax Roog fee sakna tafil fee saku kam fee itam?

Sakari 11:15

O Yaal oxe a layaxam ee: «Xotahini ƥonax no kaynaak, ndaa ndiiki koy xan o fesoor nen o kaynaak o caree tus.

Heseki’el 13:18

ee: Keeke o Yaal oxe na refkaa boo faw a layu: Sabab took no rew we na ƭiisanaa xa ƈoox axe fop xa ƈooƴoox soo a ƭiisanaa a qoox ake muurax podu nuu refna, ndax da ndam xa laaw! Kaa nu ndamkaa xa laaw axe na xeet es boo ƈut soo mboorin o ñoow na xa laaw axe nuun?

Xa peƭit axe 15:2

Fa lay no cegu yiif oxe kaa fel o nan-gilooxel, o don no panxoy ke mat ƥooɓodaxir doŋ a layaa.

2 Timote 3:9

Kaa koy, a koorgoorlax den jofkee mbaambir, yaam no miñeer xan fop a nga ee no ƭof a ndefu, ne lakas we a nga’it’ina yee Yanes fa Yambres ndeeƭee fa sagu den.

Yeremi 23:16

Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.

Yeremi 28:15

Cinj kaaga, Yeremi a laya o tuleer Hananiya yee: «Nan-gilooxi a paax Hananiya: O Yaal oxe lulirang, soo wo, o riñ xeet fene no ngooloox xa maaƥ.

Heseki’el 13:4

Wo Isra’el, duleer we wo kaa nand nen xa ƥox-a-koƥ ndeer kefatin.

Yeremi 23:9

Ke layeena no duleer we. Xeeñ es kaa gooy taa kam es, um sendaa ne fodeema fop. Kaam nandtaa o kiin o bayu, nen oxaa biiñ a adinna yaam o Yaal oxe fo fa lay fa tedu fee ten.