Heseki’el 13:13 - NQAARIIT NE ROOG

¹³ Ten taxu, keeke o Yaal oxe na refkaa boo faw a layu: Kam fuux es, xam fi a und. Mbuyaam njegu doole xan a gar kam fuux es, too xan a kalam a ƥuubu a yen fa doole, ndax da saŋik fop.

Heseki’el 13:13 Referans Kwoze

Esayi 30:30

O Yaal oxe xan a jibin o ñuxur o jegu o ndam ole ten. Xan a lalit o ɓay um ole na fudooxiidaa kam fuux maak le ten fo kam aal fiɗel laa na raaɓaa fo kam mbuyaam njegu doole fo kam a und a maak fo kam a kalam a ƥuuɓu.

Mbeeñil 16:21

Maaga, a kalam a ƥuuɓu kaa andoona yee o meɗel den a fi’’a ngap kilo qarɓeen nahik, a yentiidooga na asamaan, a ndalaa took no wiin we. Weene a ndefata no mbenaa a Roog, yaam taamaala fee a teƥ aleene a fi’oogna. Taamaala feene koy, a ɗom’a lool.

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

A kim a tedu ke 148:8

Simateenoo, nuun fiɗel le fo a kalam a ƥuuɓu ke fa nees fee fo a kuy ale fo a und a maak ale na fadnaa fa lay um!

Mbeeñil 8:7

Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

Safe le no tuleer AGE 2:17

Xawtaam a nuun xa ƥuus fo xa qomb fo a kalam a ƥuuɓu, da yaq jale na xa ƥay nuun fop, ndaa dara teen taxee nu naang cook, nomtooxiid me mi. Mi o Yaal oxe layun.

Yoona 1:4

Maaga, o Yaal oxe a fi’a a qeñ a maak took o maag ole, too a und a maak a jumbanda o maag ole boo a kaal ale a bug o gef.

Yeremi 23:19

A und ale no Yaal oxe xey! Fuux le a biltooxa, too a qeñ a maak alaa na wirlooxaa a dala took no soxodu we!

A kim a tedu ke 107:25

A laya, soo ta fi a und a maak alaa yoɗna a yag-ee-yag ake.

A kim a tedu ke 105:32

A deɓana a den a kalam a ƥuuɓu fo aal fiɗel kam saax den.

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

Ke bindeena no xe ne’eena YOB 38:22

Ndax fadaa boo me nees fee a geekeena? Ndax ga’aa ngeek ne na kalam a ƥuuɓu ke?

Heseki’el 1:4

Ɗeetaam too ga’aam a und a maak a inoortiidaa no ɓemb-roog o janoon, a maƥ garinj laa xa kiiñ a ƥalañtaa, a qoolaand ee dañ me widuuna. A ndeer ee ndeer garinj le, a jeg’a meleƈ laa nandna fo njelem kam fiɗel.

Heseki’el 13:12

Saŋe ne yoo xeeke a gaakooxa! Ndax nu laamitkaand ee: ‹Taa ƭuum ne nu muurit’uuna?›

Ke bindeena no xe ne’eena YOB 38:23

Kaam hend a den yaam camaane ke na naqad fee, yaam ñaal ke na ñoq ale fa xire fee.

A ƭomatax ake 2:1

Xar oo kene? Kam fuux um o Yaal oxe a muura a Siyoŋ o ndoog onqe fo o niɓaan. A maafa junjang o ndam onqe Isra’el cuqoogna a asamaan. Ye fuux le ten a biltooxanna a Siyoŋ, wetandooxee yee ten reeƭu me ta doonaa a caf um.

A ƭomatax ake 2:3

Kam ngañak um a ɓola o rand ole Isra’el. A ŋooka a ñamaak um, ye o pañ oxe a garna. A heƥanda kam Yakoob aal fiɗel laa raaɓuuna o saax oo saax.

A ƭomatax ake 2:4

A ɗaaya a qali um nen o pañ, a ñamaak um ee pec, a waajaa o xaƴ. A wara fop we mbel’ina o nga’el, a bilit fuux um nen fiɗel took ƭiif ke Siyoŋ, o ndoog onqe.