Heseki’el 13:11 - NQAARIIT NE ROOG

¹¹ layi we na ƭuuman laso yee: Xan a gaakoox. A teƥ a cegu doole a gara boo a ƴut. Nuun a kalam a ƥuuɓu ke, xan nu yen, too nqeñ ne na und ake xan a bayit fop.

Heseki’el 13:11 Referans Kwoze

Heseki’el 38:22

Xam layoor fo ten na pexey piste fo fo’oy. Xam ɓisiid mbuyaam maak fo a kalam a ƥuuɓu fo fiɗel fo nqeen took um, took a yaj no xiixire ke ten fo took qeet pagkatar ke yoonna fo ten.

Esayi 28:2

O Yaal oxe xey a hebliidaa o koor o cegu doole too a jambaar, a nandtaa a teƥ a kalam a ƥuuɓu, a und a yaayaq, mbuyaam njegu doole naa na ɓaxooxaa nen o jaɓ, a maafaa junjang a lanq fop.

Mace 7:27

Ye ndiig ne a garna, a qaandiind ake fo a und ake a ngoma mbind ne, ta yen too njom ne a magna lool.»

Mace 7:25

Ye ndiig ne a garna, a qaandiind ake fo a und ake a ngoma mbind ne, ndaa yenee, yaam no ɓil a sinje.

Nahum 1:3

O Yaal oxe kaa muñantaa, doole um a magin, ndaa ñakkee o xaw oxe tooñna. O Yaal oxe kaa ñaaƴaa kam a saaqul ale, a ƭat um a ref kam a und ale, a eel ake a ndef fo ut ole a caf um a yetnaa.

Esayi 32:19

A kalam a ƥuuɓu ke xan a ngaak suungaan le, teeru fee a gefel tuƈ.

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

Esayi 25:4

yaam wo reeƭu ndaɗand no neewu doole xe fo njaɓnooxand no ndool onqe reeƭna na naqad. Wo reeƭu itam laqooxand yaa fo mbuyaam maak ne fo yook naa na saytooxaa na sumaan a cegu doole le no njeeƈ ne. Haaƭ le no wiin fo’oy we kaa nand’u nen mbuyaam naa na xawooxaa no tabax,

A kim a tedu ke 32:6

Ten taxu gore’u we fop a nqeɗang, yaa da njaqna. Boo poofi mayu ke a mbalna, ndaawkee a den muk.

A kim a tedu ke 11:6

Kaa deɓaa took no soxodu we a kaagaañ a sumu jip fo nqeen. Mbooyo ƭomu refu a tokol ale da mbarna o ngumir,

Ke bindeena no xe ne’eena YOB 27:21

A qeñ ale no batand a adnaan, a ɓisin, a suqtitin doole me ta reeƭna.

Ke bindeena no xe ne’eena YOB 38:22

Ndax fadaa boo me nees fee a geekeena? Ndax ga’aa ngeek ne na kalam a ƥuuɓu ke?

Heseki’el 1:4

Ɗeetaam too ga’aam a und a maak a inoortiidaa no ɓemb-roog o janoon, a maƥ garinj laa xa kiiñ a ƥalañtaa, a qoolaand ee dañ me widuuna. A ndeer ee ndeer garinj le, a jeg’a meleƈ laa nandna fo njelem kam fiɗel.

Heseki’el 13:12

Saŋe ne yoo xeeke a gaakooxa! Ndax nu laamitkaand ee: ‹Taa ƭuum ne nu muurit’uuna?›

Ke bindeena no xe ne’eena YOB 38:23

Kaam hend a den yaam camaane ke na naqad fee, yaam ñaal ke na ñoq ale fa xire fee.