Heseki’el 12:7 - NQAARIIT NE ROOG

⁷ Fi’aam ke hebil’eema: Sutaam njoloor o mbuc o fof es nen o fof o raayir. No kirand ne, yultaam saŋe ne o ɓay, sut o fof ole no niɓaan ole soo gadooxin na kid den.

Heseki’el 12:7 Referans Kwoze

Heseki’el 24:18

Layaam fa xeet fee no nqes ne, soo o tees a ñak no kirand ne. No feet nqes olaa, fi’aam ke o Yaal oxe a hebil’axama.

Heseki’el 37:10

Refaam no jo’tanan ne ta heblit’axama o ten. Maaga, Yiif le a gara na den, da ñoowatin soo a inoox a ngeenoox jing. A yaj a maak a maak no xiixire a reeƭu.

Heseki’el 37:7

Jo’titaam, ne heblit’eema o ten. Maaga, ye um jo’tanan a jega fangax soo combol laa yee ñol, too xa kiiƈ axe a matra oluu refna fo ole ta mengoorna.

A pi ake 26:19

«Ten taxu o maad Agiripa, fañiim mbeeñil ne daawtuuma na asamaan.

YEGIL MBAAX NE YEESU ne Saŋ a bindtuuna 15:14

Qaariit es nu ndefu, yaa nu ndeefaa ke hebluuma a nuun.

Mark 14:16

Daalbe waa a ndeta, a mbadiid na teeru fee, a soƥ fop ne Yeesu a layit’uuna a den, too a ndalfooxa o njaw a cu’ax ale.

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

Heseki’el 2:8

Wo fee o ƥiy no kiin o mat, nan-gilooxi ke um layang! Ba o ref o paafañ nen xeet fa mbaafañ feene! Yaƥati o don of, ñaam ke um cooxkang.»

Heseki’el 12:8

No nqes ne, o Yaal oxe a daawnaxam fa lay um na xa ƭelem axene: