Heseki’el 12:4 - NQAARIIT NE ROOG

⁴ Sutiidi o fof o raayir ole wo njoloor o mbuc na kid den, soo wo fa xoox of o sutoox kirand ne na kid den ne waa na ƥiseel took o hup doole a sutooraa.

Heseki’el 12:4 Referans Kwoze

Yeremi 39:4

Yaa Sedekiya fee o maad Yudaa fo xiixire we ten fop a nga’na ke xew’ina, a ƈufa, a sutoox teeru fee no yeng ole, a ndeef na ƭat ale na ƭing ale no maad oxe, no ndokand ne refna a ndeer saŋe ƭik ke soo a nqot a ƭat ale jaginna no xuluɓ olaa Yordaan.

Heseki’el 12:12

O kelwaar oxe refna a ndeer den xan a gadoox o fof kam o niɓaan ole soo a sutoox. Saŋe ne xan a fi’el o gur ndax ta suttel teen. Xan a sing mukit um ndax a kid um ƭeetkee saax le.

2 Maad we 25:4

o gur a sexe no saŋe ne na teeru fee. O maad oxe fo xiixire we fop a ƈufa no yeng ole, a ndeef na ƭat ale no ndokand ne refna ndeer saŋe ƭik ke paam a ƭing ale no maad oxe, a soƥ Baababilon we a mbid teeru fee o kurul-keƥ. Ƴuuƴuf we a nqota a ƭat ale jaginna no xuluɓ olaa Yordaan.

Yeremi 52:7

o gur a sexe no saŋe ne na teeru fee. Xiixire we fop a ƈufa, a sutoox teeru fee no yeng ole, a ndeef na ƭat ale no ndokand ne refna ndeer saŋe ƭik ke paam a ƭing ale no maad oxe, a soƥ Kaakalde we a mbid teeru fee o kurul-keƥ. Ƴuuƴuf we a nqota a ƭat ale jaginna no xuluɓ olaa Yordaan.

Heseki’el 12:5

Na kid den, fi’i o gur no saŋe ne soo sutit teen o fof ole wo.