Heseki’el 12:3 - NQAARIIT NE ROOG

³ Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

Heseki’el 12:3 Referans Kwoze

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

Yeremi 26:3

Xeƈa xan a nan-giloox, a mbes a cinj a ƭat a paaxeer den. Maaga, xam ricoox paaxeer ke yuuɓan’uuma a den yaam kañaan ne na pi den.

YEGIL MBAAX NE YEESU ne Lik a bindtuuna 20:13

O yaal a ƭing alaa a laya yee: ‹Xar um fi’kaa? Kaam lulkaa o ƥees onqe fexuuma, yaam ñakkiran o niw muk.›

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

YEGIL MBAAX NE YEESU ne Lik a bindtuuna 13:34

Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokattaa xa ñeek um yoora a nafir um, too nu mbañ!

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Yeremi 27:2

Keeke o Yaal oxe a layaxam: «Jalni xa ƥaak fo kadoor soo gadoox a den.

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

A cangatin ale 32:29

A jeg’angaa yiif, a andkooga keene, a ga ke na dalkan.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

Yeremi 10:17

Wo Yeerusaleem fee wideena o kurul-keƥ, gisi tig oo tig ke wo ndefna a lanq,

Heseki’el 3:27

Kaa koy, a mbanuu jeguuma kaa layoonga, xam waagnoorong fa lay. Maaga xan o lay a den ee: ‹Keeke o Yaal oxe na refkaa boo faw a layu: Fat oxe bugna o nan-giloox, a nan-giloox, soo oxe bugeerna o nan-giloox, a fañ o nan-giloox›, yaam xeet fa mbaafañ a ndefu.»

Heseki’el 12:7

Fi’aam ke hebil’eema: Sutaam njoloor o mbuc o fof es nen o fof o raayir. No kirand ne, yultaam saŋe ne o ɓay, sut o fof ole no niɓaan ole soo gadooxin na kid den.

Heseki’el 43:11

A sedangaa ɓot yaam fop ke da mbi’na, andnoori a den ne Mbind nene a saxitna, a keenooƭ um, xa ton-maax axe ten fo tokand ke ten, samandaal ke ten fop fo bargal ke ten fop, samandaal ke ten fop fo kebil ke ten fop. Dooni na kid den caq ne ten. Xan a ngoroox samandaal ke ten fop fo bargal ke ten fop, too xan a mbadin a den.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Heseki’el 3:26

Xam taƥin ɗelem of no faƭanq of, too xan o muumat boo waagkatiro o xasan a den, yaam xeet fa mbaafañ a ndefu.