Heseki’el 12:2 - NQAARIIT NE ROOG

² «Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

Heseki’el 12:2 Referans Kwoze

Mark 4:12

Neene, a naangangaa o ƭeetaa, nga’kee, too a naangangaa o nanaa itam, andkee, yaam ndik da saktoox na Roog, soo a mbaasanel pakaad den.»

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

A kim a tedu ke 78:40

A caf a mayu, a siiknoora fo ten na koƥ-a-ƥor alaa, a ngooyandan no fo mbiñ ne naangna halit.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

YEGIL MBAAX NE YEESU ne Saŋ a bindtuuna 12:40

«Kaa Roog a fuuland a den, a ŋajnoor a den, yaam ndik da nga’it a kid den, a andit a qeeñ den, soo da saktooxiid me mi, um wodand a den.»

Yeremi 5:23

Kaa koy, xeet fene kaa naɗoox too a ƥoow. Kaa mbesaam a cinj soo a nduux a koƥ.

Esayi 65:2

No ñaal ne fop, kaam letin xa ƥay es farna fa xeet faa nanaƭarna, a ndeefaa a ƭat a paaxeer, a mbi’aa ke felna a den.

Esayi 30:9

No ndigil, xeet fa nanaƭaranu yoo, a ndef xa ƥiy xa maamaaɓ, xa ƥiy axaa mbugeerna o nan-giloox a cangin ale no Yaal oxe.

Esayi 30:1

O Yaal oxe kaa tee: «Sabab took xa ƥiy axe nananeerna! Kaa da yuuɓaa too mbokatkiraam teen soo a ndalnaa kiɓoor kaa njagooreerna fo Yiif es. Neene, kaa da cokrandaa bakaad took fa ngend um.

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

Heseki’el 2:3

A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Heseki’el 44:6

Fat o lay faafañ we mbind Isra’el ee: «Keeke o Yaal oxe na refkaa boo faw a layu: Nuun mbind Isra’el, deyƭooxaam sik na pi a cednooxu ke nuun!

Heseki’el 24:3

Naxooxi xeet fa mbaafañ fene yee: Keeke o Yaal oxe na refkaa boo faw a layu: Deeni a kaleera le, kaam ee deeneen, liƴin itam!

Heseki’el 17:12

«Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Heseki’el 3:9

Xam fi tagid of a saƭik nen jamaa, a moƴ o saƭik ɓil. Ba o saɗar a den boog too ba o send mbaambir den, ke da ndefna ndef xeet fa mbaafañ fop oo.»

A cangatin ale 31:27

Andaam o ɓoow nuun fo o saƭik xoox nuun. Nu siiknoorangaa fo o Yaal oxe kañ, ye maaduuma o ñoowaa a ndeer nuun, nam nu moƴkeerun o mbi’it, yaa xonuuma!

A cangatin ale 29:4

Ɗoxaam a nuun boo xa kiid qarɓeen nahik kam a koƥ-a-ƥor ale, too ñirax ke nu ndokooxna siɗooxee, xa ñaaƭ axe na caf nuun ñaamooxee.

A cangatin ale 9:24

Naa andum a nuun, nu nananee o ñuxur no Yaal oxe.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

Yeremi 4:17

Kaa mbid a Yeerusaleem o kurul-keƥ nen yeeyetax waa ndeerna o qol, yaam kaa ta siiknoor fa mi. Mi o Yaal oxe layun.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

Esayi 43:8

Sutiidi xeet feene mbuulna, ke da njegna a kid fop oo, a ndam, ke da njegna nof fop oo.

Heseki’el 12:1

O Yaal oxe a daawnaxam fa lay um na xa ƭelem axene:

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»

A cangatin ale 29:3

Kaa koy, boo fa ndiik o Yaal oxe ci’afulee a nuun yiif laa nu anditna mbaat a kid akaa nu nga’itna mbaat nof kaa nu nanitna.

2 Maad we 17:14

Kaa koy, nan-gilooxee, a saƭik a qoox, ne daan den we ngim’eerna no Yaal oxe Roog den a saƭkit’ina a qoox.

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.