Heseki’el 12:11 - NQAARIIT NE ROOG

¹¹ Layi yee: Kaam ref na nuun o anddiloor. Ke fi’uuma na fadnooxkaa na den: Xan a ƥisel took o hup doole.

Heseki’el 12:11 Referans Kwoze

Yeremi 52:15

Nebusaradan fee adooxan’ina yeeyetax we a ɓisa gilaa saax took o hup doole we maad’ina o ngenaa na teeru fee, ta jeg na den a qaaj no we moƴ’ina o ndool na xeet fee fo we ƥoxotoox’ina no maad oxe Babilon fo we yoq’ina no baane ke.

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Heseki’el 12:6

Na kid den, xan o gadooxin, sutin kam o niɓaan ole, muur mukit of too ɗeetkiro saax le, yaam kaam bug o ref o anddiloor no mbind Isra’el.»

Heseki’el 4:3

Wo koy, xoti ndal njelem, doonin nen tabax njelem ndeer of fa teeru fee, ɓakand mukit of farna fo ten, too xan o songin. Fat a widel o kurul-keƥ. O anddiloor a refu no mbind Isra’el.

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

Sakari 3:8

«Wo Yosuwe fee o saasadax o maak oxe, nan-gilooxi, wo fo saasadax lakas we moofna mbaambir of, yaam kaa nu ndef xa anddiloor ee mexey hebliidaa o tag es, ta ref oxe na xoyeel Dugatin le.

2 Maad we 25:7

Xa ƥiy axe Sedekiya a nqirse na kid faap den. Cinj kaaga, Nebukadnesaar a yulna a kid ake Sedekiya, a feñtin ceen xanjar, soo ta ɓisel Babilon.

2 Maad we 25:11

Cinj kaaga, Nebusaradan fee adooxan’ina yeeyetax we a ɓisa gilaa saax took o hup doole we yoq’ina na xeet fee maad’ina o ngenaa na teeru fee fo we ƥoxotoox’ina no maad oxe Babilon fo faan falakaand le.

Yeremi 10:17

Wo Yeerusaleem fee wideena o kurul-keƥ, gisi tig oo tig ke wo ndefna a lanq,

Heseki’el 4:1

«Ndiiki koy, wo fee o ƥiy no kiin, xoti muul, diƈin mbaambir of, soo samandaal teen teeru, ta ref a Yeerusaleem.