Heseki’el 12:10 - NQAARIIT NE ROOG

¹⁰ Dooni a den ee: Keeke o Yaal oxe na refkaa boo faw a layu: O kelwaar oxe genna Yeerusaleem fo mbind Isra’el fop ndefna teen njegu fa lay fene.

Heseki’el 12:10 Referans Kwoze

Esayi 13:1

Keeke refu ke o Yaal oxe a feeñilna a Esayi fee o ƥiy Amoc, ta dalkaa a Babilon:

2 Maad we 9:25

Maaga, Yehu a laya a Bidkar fee jawdiin um ee: «Ɗooqi o dal ole, o deɓin kam o saawit ole Naboot fee gen’ina Yisre’el. Ndax wetandooxiro ke o Yaal oxe a lay’ina no maad Ahab fee faap um, ye i ndefna na sareet-xire leng, mi fa wo, ndeefan?

Malaki 1:1

Keeke refu ke o Yaal oxe a layna xeet fee Isra’el a reefandin na Malaki.

Heseki’el 7:27

Xan o maad a jaañoox, o kelwaar a lipoox o ñak yaakaar, xa ƥay baadoole a sendaa. Xam rabid a den ciko den, hate’it a den ne da ngate’taa. Maaga, xan da and ee mi refu o Yaal oxe.»

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Yeremi 24:8

Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Esayi 14:28

O Yaal oxe cooxtu fa lay fa ñexetu feeke no hiid olaa o maad Ahas a xonna:

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

Heseki’el 21:30

Wo o kore’aƭaru xe mat, o soxodu xe, o kelwaar oxe Isra’el, waxtu fee a poom ake wo a mbagkaa tak oxe garaa.