Heseki’el 11:9 - NQAARIIT NE ROOG

⁹ Xam sut a nuun teeru fee, ɓoxot a nuun na xa ƥay no genar soo fadin kate es took nuun.

Heseki’el 11:9 Referans Kwoze

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

A kim a tedu ke 106:41

A ɓoxota a den a saax a can ake, qeet kaa sib’ina a den a ndefat yaal den.

A cangatin ale 28:36

Xan o Yaal oxe a ñaaƴnoor a nuun, nuun fo o maad oxe nu ndalnankaa a qoox nuun, farna fa xeet faa nu andeerna, daan nuun and’iran, soo nu mbaɗooxaa maaga roog lakas kaa ndefna a teex fo a ƥil.

Heseki’el 16:41

Xan a ndox pind ke wo, a layoor fa wo na kid no rew mayu. Xam ñuf njaga ne wo, too me ta refna cooxitkatiro ndabid.

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

O leetar ole Pool a bindna GIMU WE NGENNA ROM 13:4

Roog o mat doxnu a den calel keene yaam jam of. Boo andoona yee paaxeer o fi’aa, fat o saɗar, yaam refee yee o ƥor o ƥor taxu da ndeegoox laƥ ne. Roog o mat dalnu a den, ndax da laltaa fuux um took no we na mbi’aa paaxeer.

YEGIL MBAAX NE YEESU ne Saŋ a bindtuuna 5:27

A ci’aan itam sañ-sañ faa ta hate’taa, yaam ten refu o Ƥeenqe no kiin oxe.

Heseki’el 30:19

Xam fadin kate es took Misira, too xan da and ee mi refu o Yaal oxe.»

Heseki’el 21:31

Keeke o Yaal oxe na refkaa boo faw a layu: Tañalax ne xan a watnel, o ndip onqe a wolel. Fop xan a suptoox. Ke neewandeena xan a yoɗel soo ke yoɗeena a neewandel.

Heseki’el 16:38

Xam hate’tong ne rew seeseeq we a ngate’teel fo we na ƥaxaa fo’oy, too xam ɓax fo’oy of kam fuux ɗomu le fo kam naal es.

Heseki’el 5:15

Xan o ref o mbiñ onqaa niwaƭareena, soo a weneel, o njapil o ƭeetoor fo kaa na diidlandaa na saax ake mbidoonga, yaa um fadinkaa took of kate es fo fuux ɗomu es fo a qaw akaa yoonna fo ngañak. Mi o Yaal oxe layun.

Heseki’el 5:10

Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Yeremi 39:6

O maad oxe Babilon a xirisnoora xa ƥiy xa koor axe Sedekiya maaga Ribla na kid faap den. A xirisnoora itam wiin maak we Yudaa fop.

O baawaare xe 8:11

Feek oxe fi’na paaxeer naagee xaweel ndak fo ndak, keene a naaga riñaa wiin we na pi a paaxeer.

A kim a tedu ke 106:30

Maaga, Finees a inooxa, ndax ta mong tige, too taamaala fee a finqooxa.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.

Heseki’el 11:7

Ten taxu keeke o Yaal oxe na refkaa boo faw a layu: Xa tal axe nu nqaƴna kam teeru fee ndefu a tegeƴ ake soo teeru fee fa xoox um a ref a kaleera le, ndaa nuun, xan nu sutel teen.

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.