Heseki’el 11:5 - NQAARIIT NE ROOG

⁵ Maaga, Yiif le no Yaal oxe a fudooxa took es, a layaam ee: «Jo’tanaam ee: Keeke o Yaal oxe a layu: Keene nu layaa nuun mbind Isra’el. Andaam ke refna na yiif nuun.

Heseki’el 11:5 Referans Kwoze

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Heseki’el 2:2

Yaa ta layaxama naaga rek, Yiif le a rokaxam, a geennaam jiŋ, soo um nan-gilooxaa oxe layoogna fa mi.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

Heseki’el 29:3

Yaƥati too lay ee: Keeke layum, mi o Yaal oxe na refkaa boo faw: Xam ɓekong o ɓay, wo Firawon fee o maad Misira, wo fa noox fa maak fee na wondooxaa ndeer xa quluɓ axe wo, layaa yee: ‹Niil fee mi jegun, mi fi’oodun!›

Heseki’el 28:2

«Wo fee o ƥiy no kiin, layi o kelwaar oxe Tiir ee: Keeke o Yaal oxe na refkaa boo faw a layu: Kaa o yeg’u a xoox of, lay ee: ‹Roog refum, mexe moofa na tungul ale no roog ke, no xeeñ le na xa maag axe›, too yaaga fop oo o kiin doŋ refo, refiro roog. Kaa o fodrandaa a qalaat of fo ake Roog.

Heseki’el 8:1

No hiid o ɓetuu fa lengandeer ole, no ñaal ƥetkandeer ne no nqool o ɓetuu fa lengandeer onqe, moof’aam kam mbind es, too maak we Yudaa a moof’u mbaambir es, o ɓay no Yaal oxe na refkaa boo faw a doonooxa took es.

Heseki’el 3:27

Kaa koy, a mbanuu jeguuma kaa layoonga, xam waagnoorong fa lay. Maaga xan o lay a den ee: ‹Keeke o Yaal oxe na refkaa boo faw a layu: Fat oxe bugna o nan-giloox, a nan-giloox, soo oxe bugeerna o nan-giloox, a fañ o nan-giloox›, yaam xeet fa mbaafañ a ndefu.»

Heseki’el 3:24

Yiif le a rokaxam soo a geennaam jiŋ. O Yaal oxe a layaxam ee: «Reti wegoox no mbind of.

Heseki’el 3:11

Reti soƥik we ƥiseena gilaa saax took o hup doole, xa ƥiy axe na xeet of, lay fa den, da nan-giloox mbaat da mbañ o nan-giloox, layi a den ee: ‹Keeke o Yaal oxe na refkaa boo faw a layu.› »

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Yeremi 16:17

Yaam a kid es kaa naang jak na pesoorooƭ den, laqooxiraam, too tooñ den kunpa’iraam.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Esayi 28:15

Kaa nu layaa yee: «I ndalna ngiɓoor fa fa nqon fee, njeg nanoor fa jaaniif. Taamaala fee a bug oo biltoox, daawkee a in, yaam o maaɓ ole refu ndaɗand in, soo naanaxir ke a ref laqooxand in.»

A kim a tedu ke 50:21

Keene o mat o fi’aa, soo o bug’u koy um maar o don es! Foogaa foog ee nen a wo nandum? Muk! Xam ɓanjong soo feednong a pi of fop.»

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

1 Sami’el 10:10

Yaa da mbadiidna Gibe’a, a nqeta fo a yaj no duleer Roog. Na waxtu faaga, Yiif le Roog a fudooxa took Sawul, ta yenaa leer a ndeer den.

1 Sami’el 10:6

Yiif le Roog xan a rokong itam, o yenaa leer nen a den, refat o koor o lakas.

Saak 3:6

Ɗelem nen a fiɗel a nandu, too pakaad ƥor a yipooxu. Kaa heƥandaa fiɗel laa na yaqaa cer no kiin fop. Fiɗel leene, na fiɗel laa ñufkeerna a hataa.

A pi ake 11:15

Ye refuuma no waare’aa, Yiif Tedu le a fudooxa took no wiin waaga ne ta fudoorit’ina took in no mberaand naa.

A pi ake 10:44

Ye Piyeer a maadna o layaa kaaga, Yiif Tedu le a fudooxa took no fop we nan-gilooxoogna waare fee ten.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

Mark 2:8

Ndak fo ndak, Yeesu a anda ke da nqalaatoogna, too a laya a den ee: «Xar taxu nu njeg a qalaat a nandu neene na yiif nuun?

Yeremi 11:20

Kaa koy, wo o Yaal oxe Hupna fop, kaa o hate’taa o cofel, horooxaa a pug fo a qalaat a ƭasu ke no wiin we. Xam ga ndabdinax of took den, yaam wo doxnum nqeloor es.

Heseki’el 20:32

Ke nu mboogna jegkee muk, yaa nu layaa yee: ‹Kaa i mbug o nand fo qeet ke fo a qaw ake na saax a lakas ake. Kaa i mbug o mbaɗooxaa a teex fo a ƥil.›