Heseki’el 11:21 - NQAARIIT NE ROOG

²¹ Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Heseki’el 11:21 Referans Kwoze

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

Heseki’el 11:18

Xan a ndok teen soo a mbatin cakalaaru ke fop fo cednooxu ke fop.

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yudaa 1:19

Den ndefu we na mbexeyaa nqaajoor, a ndamoox na qalaat den, too njegee Yiif le Roog.

Hebre 10:38

Neene koy, oxuu ɗeetuuma nen o cofu, xan a ñoow na pexey o ngim um. Kaa koy, a nomtooxangaa a cinj, sawarkatiim no ten.»

Heseki’el 20:38

Xam suud na nuun we siiknoorna fa mi soo a tooñaam. Xam sut a den no saax le da ngenna, ndaa ndokkee no saax le Isra’el. Maaga, xan nu and ee mi refu o Yaal oxe.

Heseki’el 20:31

Yaa nu ƥoxotaa sadax nuun, ndoxaa xa ƥiy nuun nen sadax, kaa nu maad o nqoolaƭarandtaa a qoox nuun boo xaye pangool ke nuun. Nu mbooga moos ee xam xaƴ nu nga’ir fa mi. Ne ta wooritna yee mexe ñoowaa, mi o Yaal oxe na refkaa boo faw layun, xaƴkiim muk nu nga’ir fa mi.

Heseki’el 16:43

Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Heseki’el 7:4

A kid es yirimkirang too wuuskiroong, ndaa xam sufong a ƭat ake wo, cednooxu ke wo a ngen a ndeer of. Maaga, xan nu and ee mi refu o Yaal oxe.»

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Heseki’el 7:3

Ndiiki muukandoong ne xe garaa took of. Xam hebliid fuux es took of, hate’ong na pesorooƭ of soo sufong cednooxu ke wo fop.

Heseki’el 7:8

Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.

Heseki’el 14:3

«Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?