Heseki’el 11:16 - NQAARIIT NE ROOG

¹⁶ Ten taxu layi a den ee: ‹Keeke o Yaal oxe na refkaa boo faw a layu: Ke deɓkuuma a den koƭu a ndeer qeet ke, pasar a den kam a saax a lakas ake fop oo, reeƭaam na den nen o mbiñ o tedu kam a saax ake da ndokna.›

Heseki’el 11:16 Referans Kwoze

Esayi 8:14

Xan a ref ngenand tedu, ndaa xan a ref itam ɓil laa na tolofnooraa fo ɓil maak laa na fanqaa maat ƭik ke Isra’el, a ref mbaal fo mbog no we ngenna Yeerusaleem.

A kim a tedu ke 90:1

A qeƭ ale Moyiis fee o kiin Roog oo. O Yaal oxe, no suk boo no suk wo refu njaɓnooxand in.

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Xa peƭit axe 18:10

Gon le no Yaal oxe kaa ref taax-took saƭku koŋ. O cofu xe kaa jaɓnooxaa teen soo a ref no woor.

A kim a tedu ke 91:1

Oxe na yoogooxaa me no xe Took-ee-took, a jaɓnooxaa me no Cegu katil oxe,

A kim a tedu ke 44:11

Wo taxu i nomtoox a cinj mbaambir fañ in, soo da ñof o ƥerexiid, a mbuf o jeg in.

A kim a tedu ke 31:20

Ey! Ndaw ne o paaxel of a magnitna! Kaa o geekanin we saɗaroonga, too fop a nga’a yee ci’aano we na njaɓnooxaa me wo.

A paɗax ale 26:44

Yaag oo toox de, deɓkiim a den, yaa da laqooxkaa no saax le no fañ den. Feskiim a den a cinj, mbaskiraam, warkiim a den too ɗegkiim ngiɓoor es fa den, yaam mi refu o Yaal oxe Roog den.

Yeremi 42:11

Ba nu saɗarat o maad oxe Babilon, mi o Yaal oxe mexe dakooxan o lay a nuun ee ba nu saɗarin, yaam mexey fa nuun, ndax um mucil a nuun, wat a nuun no ɓay um.

Yeremi 26:11

Maaga, saasadax we fo duleer we a laya kelfa ke fa xeet fee fop ee: «O koor oxene kaa war o maalel fa nqon! Nu nanooda fo nof nuun, ke ta layna took teeru fene.»

Yeremi 26:7

Saasadax we, duleer we fa xeet fee fop ndeeƭna maaga a nana Yeremi a yegnitaa fa lay feene kam Mbind ne no Yaal oxe.

Esayi 4:5

muu refna took o joong ole Siyoŋ fo took no wuu mbokatoorna teen, xan a feeñil eel no ñaal ne fo fo suun fo aal fiɗel no yeng ole. Maaga, o ndam onqe no Yaal oxe xan a muur fop.

Yeremi 29:7

Mbaaƭyo jam fee na teeru fee ɓis’uuma a nuun took o hup doole too nqeɗooxanin o Yaal oxe, yaam jam um xan a ref jam nuun.›

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Sakari 2:6

Laamtaanum ee: «Mam o jofaa?» A doonaxam ee: «Kaam liiƥkaa a Yeerusaleem, ndax um and ne o yaajel um fo o cigdel um a mbodkaa.»

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

Heseki’el 20:23

Kam a koƥ-a-ƥor ale, mi o mat daaɓoox’u fa den fo o ɓay es took ee xam pasar a den a ndeer qeet ke, picit a den na saax a pogreer,