Heseki’el 11:13 - NQAARIIT NE ROOG

¹³ Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

Heseki’el 11:13 Referans Kwoze

Heseki’el 11:1

Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Heseki’el 9:8

Ye da nqawaa, too um yoq’u koƭong, yenaam, gung a lanq, soo falaloox ee: «Ey, o Yaal oxe na refkaa boo faw, ndax xan o saŋik yoqatin we Isra’el, yaa o ɓaxaa fuux of took Yeerusaleem?»

A pi ake 5:5

Yaa Anañaas a nanna fa lay faaga, a yena, too a ɓut. Waa nan-gilooxoogna fop a ndiida diid maak.

A pi ake 13:11

Ndiiki koy, o ɓay no Yaal oxe xe took of. Xan o fuul. Ga’katiro njeeƈ ne sax boo a pe a leng-leng.» Ndak fo ndak, a kuy fo o niɓaan a muura a kid ake Elimaas, too a naaɓooga oxaa damuuna no ɓay ndax ta ɗoxin.

A pi ake 5:10

Na waxtu faaga sax, o tew oxe a yena na caf Piyeer, a ɓut naaga. Yaa mboƥ ngoor naa a ndokiidna, a soƥaan ta xon, too a ƥisaan, a ngeekin paam o kor um.

Amos 7:5

Naaga, dakooxaanum o lay ee: «O Yaal oxe na refkaa boo faw, a hupa jeg, yaam yaaga mbind Yakoob ne neewna doole bo mbaagkee o muc.»

Amos 7:2

tooroog ke a inoox, a yen took ke na saxatinaa, a ñaamin bo tee tak. Naaga dalfooxaam o lay ee: «O Yaal oxe na refkaa boo faw, kaaga hupa jeg fe! Waagiro wuus a Yakoob? Tooroog ke a ñaamangaa fop, xar a ñoowitkaa koy too o ndoole reefiran?»

Hoose 6:5

Ten taxu um xawit a den duleer es, warit a den fa lay fee na hataa no don es. Hate es a naaga dañ nen a qoolaand,

Heseki’el 37:7

Jo’titaam, ne heblit’eema o ten. Maaga, ye um jo’tanan a jega fangax soo combol laa yee ñol, too xa kiiƈ axe a matra oluu refna fo ole ta mengoorna.

Xa peƭit axe 6:15

Xan sabab a sagooxin ndak fo ndak, ta duguñel ndeer ñaf fo ƭeet too jegkee ƈufig.

A kim a tedu ke 119:120

Cer es kaa sendaa, yaam o diidlandaam, um saɗar kate of.

A kim a tedu ke 106:23

Kaa heboox’u o saŋik a den, ndaa Moyiis fee ta jil’ina a xeɗooxaan, boo ta waas fuux le ten, a fañat o moocand a den.

1 Maad we 13:4

Ye Yerobowam a nanna fa lay fee o kiin Roog oxe a falaloox’ina o sadaxand ole Betel, a letnita o ɓay um took o sadaxand ole ta reeƭna, a lay ee: «Ndameenoo!» Maaga, o ɓay ole Yerobowam a letin’ina farna fo ten a dalfooxa o xar boo waagatiran o nomtiid.

A cangatin ale 7:4

Nu mbi’angaan, xan da tax xa ƥiy nuun a mbes o Yaal oxe a cinj, a mbaɗook roog lakas, too yaaga xan fuux le no Yaal oxe a biltooxan a nuun, soo ta moocand a nuun no ñofu.

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Heseki’el 11:14

O Yaal oxe a daawnaxam fa lay um na xa ƭelem axene:

Heseki’el 20:17

Kaa koy, ye ga’uuma a den, yirmaam a den lool no saŋik a den, too moocandiim a den kam a koƥ-a-ƥor ale.»