Heseki’el 11:12 - NQAARIIT NE ROOG

¹² Maaga, xan nu and ee mi refu o Yaal oxe. Nu ndeefee kebil es too nu ngayee bargal es, ndax ndeefaa o mbaax onqe no qeet ke mbidna a nuun.»

Heseki’el 11:12 Referans Kwoze

Heseki’el 8:10

Rokaam, ɗeet too ga’aam nitaal xa qos ƥood axuu ndefna fo muumeen tiimbel kuu ndefna. Nitaal roog keene no mbind Isra’el fop kaa samandaalel took tabax ke, me widuuna fop.

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Heseki’el 8:14

Cinj kaaga, a ɓisaxam farna fo ndokand naa no don-maax ole no Mbind ne no Yaal oxe, ole refna no ɓemb-roog o janoon, too a jeg’a maaga rew waa moofna, a ñaawooxaa a Tamuus.

Dañel 9:10

I nan-gilooxee o ñuxur of, wo o Yaal oxe Roog in, too i ndeefee kebil ke daawnoona a in na pexey duleer we dag of.

Heseki’el 20:24

yaam ndeef’ee bargal es, a ndeɓ kebil es, a maasand pes a ñootnax es soo a maad o ngaan no pangool ke no daan den.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Heseki’el 18:9

Kaa reefaa kebil es, a gayaa bargal es yaa ta fesoortaa ndigil ne. O kiin o nandu neene a jofa tigi, too a woora yee xan a ñoow. Mi o Yaal oxe na refkaa boo faw layun.

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Yeremi 10:2

O Yaal oxe kaa tee: «Ba nu laal a pesoorooƭ ale no qeet ke, too ba nu send mbaambir xa anddiloor axe na asamaan, ne qeet ke a sendtaa mbaambir den.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

A kim a tedu ke 78:10

Ngay’ee ngiɓoor ne Roog soo a mbañ o ndeef kebil um.

Nehemi 9:34

Maad in fo kelfa in, saasadax in fo daan in ndeefee a cangin of too nan-gilooxee kebil of fo a maƭax ake maƭooxoogoona a den.

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

2 Caloori ke 36:14

Aa-adax we no saasadax we fop fa xeet faa kaa moƴ’u o ngore’aƭaraa, a ndeefaa a pi a cednooxu ke no qeet lakas ke. A nqoolaƭaranda Mbind ne no Yaal oxe kam Yeerusaleem ta tedland’ina.

2 Caloori ke 28:3

A doxooga cuuraay na yulanq alaa Ben-Hinom soo a doxaa xa ƥeem nen sadax, yaam a laalaa a pi a cednooxu ke no qeet ke o Yaal oxe a rax’ina mbaambir Ii-isra’el we.

2 Caloori ke 13:9

Kaa nu ndax saasadax we no Yaal oxe ndefna xa taan axe Aaroon fo Leelewi we, soo njilan a qoox nuun saasadax nen qeet ke na saax a lakas ake. Oxuu ɓisiid’ina nqoox fo a suk paal ɓetaa ƭaq rek, nu ndalfooxin o mbi o saasadax no ke refeerna Roog.

2 Maad we 21:22

Kaa xaƴ o Yaal oxe, Roog fee no daan um, a fañ o reef a ƭat um.

2 Maad we 21:2

Manaase a fi’a kaa faaxeerna na kid no Yaal oxe, a sooboox na pi a cednooxu ke no qeet ke o Yaal oxe a rax’ina mbaambir Ii-isra’el we.

2 Maad we 18:12

Keene fop a xew’a, yaam Ii-isra’el we nan-giloox’ee o ñuxur no Yaal oxe Roog den soo a ƭeg ngiɓoor ne ten. Nan-giloox’ee too ngay’ee ke Moyiis fee o tag no Yaal oxe a hebil’ina a den fop.

2 Maad we 16:3

A reefa o jaf no maad we Isra’el boo sax a dox o ƥeem nen sadax, yaam a laalaa a pi a cednooxu ke no qeet ke o Yaal oxe a rax’ina mbaambir Ii-isra’el we.

1 Maad we 11:33

Xam fi keene, yaam Ii-isra’el we kaa mbaasaam soo a ngungaa mbaambir Astarte, roog fa ndew fee no Siisidoŋ we fo mbaambir Kemos, roog fee Mowaab fo mbaambir Milkom, roog fee no Aa-amon we. Ñaaƴee na ƭat es, mbi’ee kaa faaxna na kid es too ngayee bargal es fo ke simtuuma, ta guutatir fo ne Dawid fee faap Salomo a fi’tuuna.

A paɗax ale 26:40

«Weene mucna xan a mbeejil ee a tooñaxam, den fo daan den, ye da ngore’aƭarna soo a siiknoor fa mi.

A paɗax ale 18:3

Nu laalkee muk ke na fi’eel no saax laa Misira nu ngen’ina mbaat ke na fi’eel no saax le Kanaan um rokinkaa a nuun. Ba nu ndeef o mbaax den.

Heseki’el 18:8

Rawnitkee took o yaakaar teen tig, hupalkee no rimand o lad um, fi’kee njofaƭar, too a hate’taa o cofel ndeer o kiin fo o kend um.

2 Maad we 21:9

Kaa koy, xeet fee Yudaa nananee o Yaal oxe, too Manaase a mo’noora a den bo da mbi kaa moƴna o faaxaƭar ke qeet ke o Yaal oxe a raadin’ina mbaambir Ii-isra’el we a mbi’’ina.

Nehemi 9:33

Wo, kaa o jof no fop ke dalna a in, yaam fesoortaa ngor, soo in o mat, i mbi paaxeer.

Heseki’el 5:6

Kaa nanaƭaran kebil es fo kañaan naa hupna ne no qeet lakas ke, a ɗap bargal es kupu a saax ake mbiduuna, yaam we ngenna teen kaa nqeef kebil es too ndeefee bargal es.