Heseki’el 11:1 - NQAARIIT NE ROOG

¹ Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Heseki’el 11:1 Referans Kwoze

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Heseki’el 11:13

Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

Hoose 5:10

Kelfa ke Yudaa kaa nand fo we na ndiƈataa a tet. Xam ɓax took den fuux le mi nen a ƈufnand.

Heseki’el 41:1

Maaga, o koor oxe a ɓisaxam kam o Mbiñ o tedu nqe. A liiƥa a toodook ake da mbi xa noonoong ɓetaa fo leng o saax oo saax.

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Heseki’el 10:19

Weene a letna a nafir den soo a ƭisoor no lanq ke na kid es ye da ndetaa, a yoon fo a saang ake. O ndam onqe na Roog fee Isra’el a geenooxa no ndokand ne no Mbind ne no Yaal oxe farna fo batand, too took pindel yeeyetax ke a reeƭu, a garit a den took.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Esayi 1:10

Nuun kelfa ke Sodoom, nan-gilooxyo fa lay fee no Yaal oxe! Nuun xeet fee Gomoor, mbetyo nof nuun, nan a cangin ale Roog in!

2 Maad we 25:23

Ye aa-adax we no xiixire we Yudaa fop a yegna, den fo goor den ee o maad oxe Babilon a dalin’a a Gedaliya, a soƥka a Gedaliya Mispa. Den ndeeƭu Isma’el fee o ƥiy Netaniya, Yohanan fee o ƥiy Kare’a, Seraya fee o ƥiy Tanhumet fee gen’ina Netofa, fa Yaasaniya fee gen’ina Maaka, den fo goor den.

2 Maad we 2:16

A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

Heseki’el 10:22

Mukit ke den kaa nandtoogu deŋ fo ke ga’’uuma paam o xuluɓ olaa Kebaar. Den nand’u caq, too den sax sax a ndeeƭu. Nuu refna kaa ɓeroogu, a jagin mbaambir um.

Heseki’el 40:6

A reta farna fo o njibir onqaa faambir’ina no batand, a wad o toŋ-toŋ ole soo a liiƥ peg ne no njibir onqe, o tinqel ole a fodir’ina fo o siind ole ten.