Heseki’el 10:5 - NQAARIIT NE ROOG

⁵ Fangax le na nafir ake no pindel yeeyetax ke a nannooxa boo no maax-tafil olaa, a nandtaa o ñuxur ole Roog o Yaal katil yaa ta jibaa.

Heseki’el 10:5 Referans Kwoze

Heseki’el 1:24

Nanoogaam fangax le na nafir ake den yaa da ƥeroogna, ta nandtaa fangax poofi cegu doole mbaat le no ñuxur no Cegu katil oxe. Fangax combol a reeƭu nen fangax a yaj no xiixire. Boo da ngeenoox’ina, a mbudnooga a nafir ake den.

Ke bindeena no xe ne’eena YOB 40:9

Ndax doole of a foda fa fee Roog, o ñuxur of a fangoortaa nen ƭuuɗ ke ten?

2 Caloori ke 4:9

A fi’a o maax ole no saasadax we fo o maax o lakas olaa moƴna o yaaj, a jeg begax kaa laareena xanjar.

1 Maad we 7:9

Tabax keene fop, a xotit na per ake boo no bomb le fo maq ke tafil boo no saŋe naa no maax o maak ole a ƥil a maak a mosu kaa sexeena a mbi’it’e. Kaa liiƥ’el soo a sextel a si o saax oo saax.

A sutax ale 19:19

Fangax le na luuƥ ale kaa moƴ’u o ɓaatooxaa rek. Moyiis a lay’angaa, Roog a doonoogaan a maak.

A sutax ale 19:16

No nqes naa, no ñaal ndadkandeer naa, a jeg’a ƭuuɗ fo xa kiiñaand, too eel niɓu a fudooxa took o joong olaa. A luuƥ a jiba a maak, too xeet faa fop ndeeƭna kam saŋe naa, a ndiid’a boo a sendaa.

Heseki’el 46:21

Cinj kaaga, o koor oxe a ɓisaxam no maax-tafil olaa soo a reefnaam mbaambir kooñ nahik ke ten: No kooñ nuu refna a jeg’a o maax.

A kim a tedu ke 77:17

Wo Roog, ye poofi ke a nga’oonga, a ndalfooxa o ndiid, juwaam fee a sendaa.

A kim a tedu ke 68:33

Nuun maat ke no lanq ke, ngimanyo a Roog, nqaan o Yaal oxe A maaf

Esayi 6:8

Maaga, nanaam o ñuxur ole no Yaal oxe layoogna yee: «An um lulkaa? Ndi an na retankaa a in?» um jaaɓ ee: «Mexey, lulaam.»

Heseki’el 10:6

Maaga, o Yaal oxe a hebla o koor oxe rokoox’ina njoor ne yee: «Xotti fiɗel a ndeer a saang ake, a ndeer pindel yeeyetax ke!» O koor oxeene a reta a geenoox paam a saang ale.

Heseki’el 40:17

O koor oxe a ɓisaxam no maax-tafil ole, too a jeg’a maaga tok fo o dung, a nqendandel a paax me widna o maax ole. A jeg’a tok qarɓeen tadik took o dung oleene.