Heseki’el 10:4 - NQAARIIT NE ROOG

⁴ O ndam onqe no Yaal oxe a yoɗoorta took mbindel yeeyetax ne, a sag no peg naa no Mbind Roog ne. Eel le a muura Mbind ne, soo o maax ole a naag dañ fo a qoolaand ale no ndam onqe no Yaal oxe.

Heseki’el 10:4 Referans Kwoze

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Heseki’el 9:3

Maaga, o ndam onqe na Roog fee Isra’el a yoɗoorta took mbindel yeeyetax ne, a jagin no peg ne no Mbind Roog ne, soo a xoy o koor oxe rokooxna njoor ne, a saq a pindir no qap um.

Mbeeñil 15:8

O ndam onqe Roog fa katil fee ten a tax’a Mbind Roog ne a naag kuy fo fo suun. O leng koy waag’atee o rok kam Mbind Roog ne boo neene taamaala ɓetuu ƭik ke no malaaka ɓetuu ƭik ke a mbaafu.

Heseki’el 10:18

O ndam onqe no Yaal oxe a inoora no peg ne no Mbind Roog ne soo a doonook took pindel yeeyetax ke.

Safe le no tuleer AGE 2:9

O ndam onqe no Mbind mbaktu nene na moƴkaa o magin onqe no Mbind eetaand ne. Mi o Yaal oxe Hupna fop layun. No mbiñ onqene um ci’titkaa a nuun jam fee. Mi o Yaal oxe Hupna fop layun.»

Heseki’el 43:5

Maaga, Yiif le a gifaxam soo a ɓisaam no maax-kam ole. Ga’aam o ndam onqe no Yaal oxe mayƭand’ina Mbind ne fop.

A lim ale 16:19

Koora a sooba mbokatax ne fop boo da mbokatooran a Moyiis fa Aaroon no ndokand ne no Ƭiif ne o Yaal oxe a xetteel. Maaga, a qoolaand ale no ndam onqe no Yaal oxe a feeñooxa mbokatax ne fop.

A sutax ale 40:34

Maaga, eel laa a muura Ƭiif ne o Yaal oxe a xetteel, too o ndam onqe no Yaal oxe a mayƭanda Ngenand tedu ne boo Moyiis waagee o rok taaga.

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

Heseki’el 43:2

Maaga, ga’aam o ndam onqe Roog fee Isra’el, ta inoortiidaa no batand. O ñuxur ole ten kaa nandtoogu fangax poofi cegu doole, lanq ke fop a may fo o ndam onqe ten.

Heseki’el 44:4

O koor oxe a ɓisaxam farna fo o don-maax ole no ɓemb-roog o janoon mbaambir Mbind Roog ne. Ɗeetaam too ga’aam o ndam onqe no Yaal oxe mayƭand’ina Mbind ne no Yaal oxe.