Heseki’el 10:3 - NQAARIIT NE ROOG

³ Pindel yeeyetax ke kaa ngeenoox’u na ñamaak Mbind Roog ne, ye o koor oxe a fadiidna, soo eel a muur o maax-kam ole.

Heseki’el 10:3 Referans Kwoze

Heseki’el 43:4

O ndam onqe no Yaal oxe a rokiida kam Mbind ne, a reef no don-maax ole jasnoor’ina fo batand ne.

Heseki’el 9:3

Maaga, o ndam onqe na Roog fee Isra’el a yoɗoorta took mbindel yeeyetax ne, a jagin no peg ne no Mbind Roog ne, soo a xoy o koor oxe rokooxna njoor ne, a saq a pindir no qap um.

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Mberaand 3:24

A cinj ye ta raxna o koor oxe, a sipa pindel yeeyetax no batand naa na ƭing alaa Edeen, da saq laƥ kaa na kaƥaa, a yetooxaa a ƭat ale jofna no ndaxar ne no ñoow ole.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Heseki’el 46:1

Keeke o Yaal oxe na refkaa boo faw a layu: «O don-maax ole no maax-kam ole faambirna no batand xan a wegeel no ñaal ɓetuu fa leng ke na njalteel, ndaa xan a wetel na bes fee na ñootnax ale, a wetel itam na xew fee no nqool o ndeɓ onquu refna.

A sutax ale 25:18

Fat o fi pindel yeeyetax wurus ƭik, xaw a den no cat ƭik ke no afnir-o-fortand ole.