Heseki’el 10:2 - NQAARIIT NE ROOG

² O Yaal oxe a laya o koor oxe rokoox’ina njoor ne yee: «Roki ndeer a saang ake ƭugooxna pindel yeeyetax ke, mayƭandit xa ƥay of a kaagaañ a sumu jip, akaa o xotitkaa no pindel yeeyetax ke soo pasar a den took teeru fee.» Maaga, ga’aam ta rokaa teen.

Heseki’el 10:2 Referans Kwoze

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Heseki’el 1:13

Pindel keene fop kaa nandtoogu a kaagaañ a sumu jip. Kaa nand’u nen xa cam, soo fiɗel leene a widaa ndeer pindel ke. Fiɗel le kaa pictoogu a qoolaand, soo xa kiiñaand axe a sutooraa no fiɗel leene.

Heseki’el 10:16

Boo pindel yeeyetax ke a ndetoogna, a saang ake kaa ndetoogu, a ndendaa fa den, too boo da letin’ina a nafir den, ndax da ƭisoor no lanq ke, a saang ake sambroogee fa den.

Esayi 30:30

O Yaal oxe xan a jibin o ñuxur o jegu o ndam ole ten. Xan a lalit o ɓay um ole na fudooxiidaa kam fuux maak le ten fo kam aal fiɗel laa na raaɓaa fo kam mbuyaam njegu doole fo kam a und a maak fo kam a kalam a ƥuuɓu.

A kim a tedu ke 140:10

Fat njofaƭar ne we mbidaxama a layaa a sagoox a den.

Heseki’el 9:11

Maaga, o koor oxe rokoox’ina njoor, a saq a pindir no qap um, a gara a jangtoox o Yaal oxe yee: «Fi’aam ke hebil’axamoona.»

2 Maad we 25:9

A doxa Mbind ne no Yaal oxe fo mbind no maad ne fo pind ke Yeerusaleem fop boo no pind ke no wiin maak we fop.

A kim a tedu ke 18:10

A runga asamaan fee soo a fudooxiid, eel niifaaru a fodin yoora a caf um.

Dañel 7:9

«Ɗeetoogaam boo neen ga’um a uum no maad akaa na sipeel, soo a Koorgi a gar, a moof. Kaa rokoox’u toki tan fur, soo wiil um a ranig taw nen fa liit. Uum-maamaad le ten nandtoogna ƈulfaan fiɗel kaa saq’u a saang akaa na telelaa nen fiɗel laa na jir-jirnaa.

A sutax ale 25:18

Fat o fi pindel yeeyetax wurus ƭik, xaw a den no cat ƭik ke no afnir-o-fortand ole.