Heseki’el 10:10 - NQAARIIT NE ROOG

¹⁰ No mem den, den nahuk fop nand’u. A saang aluu refna kaa fi’’u nen kaa ref ndeer a saang a lakas.

Heseki’el 10:10 Referans Kwoze

Heseki’el 1:16

O nand ole fo a caqooƭ ale na saang ake kaa miric-miricnoogu nen ɓil jafeñu laa ne’eena kirisolit, too den nahuk fop nand’u. Kaa saxit’u nen aluu refna kaa reeƭu kam a saang a lakas.

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

A kim a tedu ke 104:24

O Yaal oxe, jale of jegee hap. Kaa o fi’it a den o and, den fop. Lanq ke kaa may muut fo sake le wo.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

A kim a tedu ke 36:6

O Yaal oxe, o mbeq of a yaajta nen a asamaan, ngor of a ret boo na eel akaa.

Heseki’el 10:9

Ɗeetaam, too a jeg’a a saang a nahak paam pindel yeeyetax ke, a saang a leng paam mbindel yeeyetax nuu refna, too a saang akeene kaa miric-miricnoogu nen ɓil jafeñu laa ne’eena kirisolit.

Heseki’el 10:11

Na xa saax xa nahaq axe den a nqotoogu yaa da ñaaƴaa, too mbiƈaqilooxoogee na ñaaƈ den, yaam muu xoox den a ɓakand’ina, da nqot maaga, too mbiƈaqilooxoogee na ñaaƈ den.

1 Maad we 7:30

Tiƈir nuu refna a jeg’a a saang a nahak xanjar akaa a koor xanjar a ndamna. No kooñ nahik ke a jeg’a saxaƈ njelem njawe, a ƭugoox o waaŋaan ole, a ngarit laqa mosandir ke.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.