Heseki’el 10:1 - NQAARIIT NE ROOG

¹ Ɗeetaam too farna fo a qul ale letnoox’ina, a garit a qoox ake no pindel yeeyetax ke took, a jeg’a nand nen ɓil jafeñu laa ne’eena safiir. Me garit’ina a den took a jeg’a kaa saxitna nen uum-maamaad.

Heseki’el 10:1 Referans Kwoze

A sutax ale 24:10

A nga’a a Roog fee Isra’el. Me ta dakoogna koy, kaa nand’u fo ɓil safiir, a xoolit nen a asamaan fee.

Mbeeñil 1:13

A ndeer den koy a jeg’a oxaa nandtoogna o ƥiy no kiin, a saq sabadoor naa na ɗooqaa fo o qap wurus no ngang um.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Efees 1:20

ye ta xontooxnoorna a Kiristaa a ndeer no xon we soo a moofnin na ñamaak um kam asamaan.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

Habakuk 2:1

Kaam bug o fod no yetooxand es, naag jiŋ took saŋe ne nen o koohorax, ndax um and ke o Yaal oxe a laykaxam fo ke ta doonkaa no ƭomatax es.

Heseki’el 11:22

Maaga, pindel yeeyetax ke yoon’ina fo a saang ake a letna a nafir den, too o ndam onqe na Roog fee Isra’el a reeƭa took den, a garit a den took.

Heseki’el 10:20

Den ndeeƭu pindel ke ga’’uuma ɗuga Roog fee Isra’el paam o xuluɓ olaa Kebaar, too andataam ee pindel yeeyetax a ndeeƭu.

Yeremi 13:8

Maaga, o Yaal oxe a daawnaxam fa lay feeke:

Yeremi 13:6

Cinj a pe a mayu, o Yaal oxe a layaxam ee: «Inooxi ret Ofrat, xotik o kumnoor ole hebil’oonga o ɗasnin maaga.»

A kim a tedu ke 18:10

A runga asamaan fee soo a fudooxiid, eel niifaaru a fodin yoora a caf um.

Yosuwe 6:2

O Yaal oxe a laya a Yosuwe yee: «Refee ga’aano! Ndiiki koy, xam ɓoxot a Yeriko na xa ƥay of, ten fo o maad um fo cambaar ke ndefna teen fop.

Mberaand 32:30

Yakoob a laamtaan ee: «Nam ne’ee koy?» O koor oxe a doonaan ee: «Xar o laamtaa no gon es?» Cinj kaaga, a barke’taan maaga.

Mberaand 32:24

A joota fa den a ƈufnand alaa, soo a jootin o jeg um fop.

Mberaand 18:31

Abraham a layahina yee: «O Yaal oxe, boo ndiik de waasanaam! Xeƈa jofu qarɓeen ƭik waay maaga.» O Yaal oxe a doonaan ee: «Yaaga, saŋikkinum yaam jofu qarɓeen ƭik waaga.»

Mberaand 18:22

Goor waa a ndeta, a nqot farna fa Sodoom, Abraham o mat a maad o geenoox mbaambir no Yaal oxe.

Mberaand 18:17

Maaga, o Yaal oxe a laya yee: «Ndax kaam ɗasinkaa a Abraham ke um fi’kaa?

Mberaand 18:2

Abraham a yoɗa a kid um, soo a ga goor daduk waa ngoƭ’eeruuna. Yaa ta ga’na a den, a inoora no ndokand ne no ƭiif ne ten, a ƴuf a xetook a den. A gunga a lanq,

Mberaand 3:24

A cinj ye ta raxna o koor oxe, a sipa pindel yeeyetax no batand naa na ƭing alaa Edeen, da saq laƥ kaa na kaƥaa, a yetooxaa a ƭat ale jofna no ndaxar ne no ñoow ole.

Heseki’el 9:11

Maaga, o koor oxe rokoox’ina njoor, a saq a pindir no qap um, a gara a jangtoox o Yaal oxe yee: «Fi’aam ke hebil’axamoona.»

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.