Heseki’el 1:4 - NQAARIIT NE ROOG

⁴ Ɗeetaam too ga’aam a und a maak a inoortiidaa no ɓemb-roog o janoon, a maƥ garinj laa xa kiiñ a ƥalañtaa, a qoolaand ee dañ me widuuna. A ndeer ee ndeer garinj le, a jeg’a meleƈ laa nandna fo njelem kam fiɗel.

Heseki’el 1:4 Referans Kwoze

Heseki’el 1:27

Ga’ahinaam nandu nen xanjar faa na meleƈaa, a saxit nen fiɗel, a mirmirnaa me widuuna fop. No ke xotitna no ke nandtoogna ndet um boo took fo no ke xotitna no ke nandtoogna ndet um boo a lanq, ga’aam nandu nen fiɗel fo a qoolaand me widuuna.

Heseki’el 8:2

Ɗeetaam, too ga’aam kaa na nandtaa o kiin, ke xotitna no ke nandtoogna ndet um boo a lanq a ref fiɗel, soo ke xotitna no ndet um a jof took a jeg’a nen meleƈ xanjar laa na miric-miricnaa.

Yeremi 23:19

A und ale no Yaal oxe xey! Fuux le a biltooxa, too a qeñ a maak alaa na wirlooxaa a dala took no soxodu we!

Yeremi 25:32

Keeke o Yaal oxe Hupna fop a layu: «Taamaala xan a xotit na xeet boo na xeet, a und a maak a ɗisit no cat ke no lanq ke.»

Esayi 21:1

Ke layeena na koƥ-a-ƥor ale paam o maag ole: O njakad onqey a garaa, a inoor na koƥ-a-ƥor ale, no saax saɗarnooxu nen a und a maak alaa na xaañaa o ɓemb-roog o ñamaak.

Mbeeñil 1:15

a caf um a telelaa nen xanjar faa naayneena na fiɗel boo a xawnel. O ñuxur um koy kaa fangoortoogu nen poofi cegu doole kaa na nqawraa.

Hebre 12:29

Yaam Roog fee in kat, kaa ref fiɗel laa na raaɓaa.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Yeremi 4:6

Sipyo a laay a anddiloor farna fa Siyoŋ, ƈufyo, ba nu ngeenoox, yaam o Yaal oxe xe heblitiidaa taamaala no ɓemb-roog o janoon fo o njakad o maak.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

A kim a tedu ke 50:3

Roog in oxe garaa too damee njaambuur um. Fiɗel laa na raaɓaa adooxanun, a und a cegu doole a widin.

2 Caloori ke 5:13

Ye luuluuƥ we fo giigim we a yoɗandoorna ndax da niw o Yaal oxe, a simatin, a njibin a luuƥ ake, a mbangin a qiin ake fo pakir lakas ke, a simata o Yaal oxe fo xa ƭelem axene yee: «Yaam kaa faax, too o mbeq um xan a maadaa boo faw.» Maaga, eel a mayƭanda Mbind ne no Yaal oxe,

1 Maad we 19:11

O Yaal oxe a layaan ee: «Sutooxi geenoox took o joong ole mbaambir es, too xam jooniid.» Ndak fo ndak, a und a maak a cegu doole a xeñiida, a qaacaa xa coong axe, a moxoñaa a ƥil ake, a adooxan o Yaal oxe, ndaa o Yaal oxe reeƭee kam a und alaa. A cinj a und ale, a jeg’a a yo’nax lanq, ndaa o Yaal oxe reeƭee kam a yo’nax lanq alaa.

Heseki’el 13:11

layi we na ƭuuman laso yee: Xan a gaakoox. A teƥ a cegu doole a gara boo a ƴut. Nuun a kalam a ƥuuɓu ke, xan nu yen, too nqeñ ne na und ake xan a bayit fop.

Heseki’el 13:13

Ten taxu, keeke o Yaal oxe na refkaa boo faw a layu: Kam fuux es, xam fi a und. Mbuyaam njegu doole xan a gar kam fuux es, too xan a kalam a ƥuubu a yen fa doole, ndax da saŋik fop.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Sakari 6:6

Pis ƥaal ke ngumneena a leng na sareet ake xan a sag no saax le no ɓemb-roog o janoon, bari ke a sag farna fo mudand, soo ceeñ ke a sag no saax le no ɓemb-roog o ñamaak.

A sutax ale 9:24

Roog fee a deɓooga a kalam a ƥuuɓu kaa yoonna fo xa kiiñaand. A teƥ ale kaa magin’u bo ta hup, too a nandu naaga mosee o jeg Misira, yaa ta sinjeena, a ref saax boo no ñaal roog ne xaye.

2 Maad we 2:11

Ye da maadna o ñaaƴaa, a layaa, a sareet fiɗel alaa humneena pis fiɗel a dalfooxa o gar, a xaaj a den. Maaga, Eliya a ŋaaya na asamaan kam a saaqul.

Ke bindeena no xe ne’eena YOB 38:1

Maaga, o Yaal oxe a doonta a Yob ndeer a und alaa yee: